"Hyung.."
တိတ်ဆိတ်မှောင်မဲနေသည့်တိုက်ခန်းရဲ့အလည်တွင်တိုးတိတ်ညင်သာသည့်သူ၏ခေါ်သံသည်နားစည်အတွင်းပိုင်းအထိတိုးတိုက်ကာမြည်ဟီးတုန်ခါ၏။ သူ.. ဘယ်အချိန်ပြန်လာ,ပြန်လာအမြဲရင်ဖွင့်ကြိုတတ်သည့်သူ့ရဲ့ Hyungက.. အခုတော့သူ့အနားကနေအပြီးတိုင်ထွက်သွားခဲ့ပြီ။ ရင်နာသည့်ခံစားချက်ဟာဒီလိုပဲလားဟုတွေးမိတော့မျက်ရည်တွေရပ်တန့်သွားအောင်ကြေကွဲစို့နင့်ကာအသက်ရှူနေရတာတောင်အဓိပ္ပါယ်မရှိတော့သလို..
သူ့ခန္ဓါကိုယ်သည်အဝတ်စတစ်စပစ်ချသလိုပုံခနဲပြိုကျသွား၏။ ပုထုစဥ်လူသားပေမို့အတ္တကြီးစွာကိုယ့်အပြစ်ကိုယ်မမြင်ဘဲ'ဘာလို့များမစောင့်ခဲ့တာလဲ'ဆိုပြီးအပြစ်ဖို့ကာစိတ်နာချင်သည်။ သူကဖြင့်.. ဆက်ဆက်ပြန်လာခဲ့မယ်ဆိုတဲ့ကတိလည်းမပေးခဲ့ဘဲနဲ့...
ကြမ်းပြင်ပေါ်တွင်ပစ်စလတ်ခတ်လှဲချပစ်လိုက်ပြီးသူကပက်လက်အနေအထားဖြင့်အချိန်ကြာညောင်းစွာမလှုပ်မယှက်နေ,နေရင်းကြေကွဲဝမ်းနည်းခြင်းမှငိုက်မျဥ်းထိုင်းမှိုင်းခြင်းသို့ရောက်ရှိသွားတော့၏။ ထို့နောက်သူကိုယ်တိုင်သတိမထားမိလိုက်ဘဲအိပ်ပျော်သွားလေတော့သည်။ သို့ရာတွင်ညဥ့်လယ်ယံမှာပင်ပြန်၍နိုးလာပြီးအထီးကျန်ဘဝကိုပထမဆုံးခံစားသိရှိလိုက်ရသည်။ ရှေ့ဆက်ပြီးအခုလိုပဲအထီးကျန်ညတွေကိုကျော်ဖြတ်ရတော့မှာလားလို့တွေးမိတော့ပက်လက်အိပ်နေလျက်မှ မျက်ဝန်းထောင့်စွန်းနှစ်ဖက်ကနေမျက်ရည်နှစ်ကြောင်းစီးဆင်းကျသွား၏။ သူ့ဘဝထဲမှာအလင်းရောင်ဆိုတာပျောက်ဆုံးသွားခဲ့ပြီပဲ..
"ဟင်"
အခန်းထောင့်တစ်နေရာမှလက်ခနဲအရာတစ်ခုကိုမြင်လိုက်ရ၍ထိုနေရာသို့အဆောတလျင်ပြေးကြည့်မိတော့တွေ့လိုက်ရတာက hyung ရဲ့လက်စွပ်လေး.. အမှောင်ထဲမှာထင်ရှားနေသည့်လက်စွပ်လေးနှင့်အပြိုင်သူ့ရဲ့မျှော်လင့်ချက်ရောင်ခြည်လေးကလည်းတဖန်ပြန်ပြီးသက်ဝင်လှုပ်ရှားလာသည်။ hyung နဲ့သူနဲ့ကြားမှာဖူးစာအမျှင်တန်းလေးကရှိနေတုန်းပါလားဆိုတဲ့မျှော်လင့်ချက်ဖြင့်ထိုလက်စွပ်လေးကိုလက်ထဲတွင်ကျစ်ကျစ်ပါအောင်ဆုပ်ထားမိသည်။ ဒီလက်စွပ်လေးသူ့လက်ထဲမမျှော်လင့်ဘဲရောက်လာသလို hyung လည်းတနေ့သူ့ဆီကိုပြန်ရောက်လာမှာပါ။ ဒါပေမယ့်...
YOU ARE READING
Can We Become Strangers? (✔️)
Fanfiction(Unicode) ရင်ထဲမှာသူရှိ,မရှိကိုနှလုံးသားကအလိုလိုသိနေပြီးသားပဲ.. အဲ့ဒါကြောင့်အကြောင်းအမျိုးမျိုးကြောင့်လမ်းခွဲကြပြီးရင်သူစိမ်းတွေဖြစ်သွားမှာလားဆိုတဲ့မေးခွန်းကိုမေးမနေတော့ပါဘူး.. Jeon Jung Kook 💜 Kim Seok Jin (Zawgyi) ရင္ထဲမွာသူရ...