"Camping? ဘာလို့ရုတ်တရက်ကြီး camping လဲ"
ဆာရန်းကသူ့ရှေ့တွင်ခေါင်းကိုငုံ့၊ဒူးတုပ်လျှက်ဝပ်ဝပ်ကလေးထိုင်နေ၏။ တစ်ခုခုကိုမလုံမလဲဖြစ်နေဟန်ဖြင့်လက်ညှိုးလေးနှစ်ချောင်းကိုလည်းတစ်ချောင်းနှင့်တစ်ချောင်းလိမ်ယှက်ရင်းအကြည့်တို့ကိုလည်းအောက်စိုက်ထားသည်။ ဆာရန်းရဲ့အခုလိုမပွင့်မလင်းချီတုံချတုံဖြစ်နေတဲ့ပုံကိုပထမဆုံးအကြိမ်မြင်ဖူးတာမို့ဆော့ဂျင်အံ့ဩမိတာတော့အမှန်ပင်။
"ဟို.. Ap.. Appaပဲပြောထားဖူးတယ်လေ။ဆာရန်းကိုကစားကွင်းလိုက်ပို့ပေးမယ်ဆို"
"ဟုတ်တယ်လေ။ အဲ့ဒါကဆာရန်းလေးလုံးဝနေကောင်းသွားမှလိုက်ပို့ပေးမယ်လို့ပြောတာ"
"ဆာရန်းကအခုလည်းနေကောင်းနေပါပြီ"
ဆာရန်းကသူ့ကိုစကားပြန်ပြောရင်တော့ခေါင်းလေးကိုဖျတ်ခနဲ,ဖျတ်ခနဲမော့လာတတ်သော်လည်းသူနဲ့မျက်လုံးချင်းအဆုံမခံဘဲမသိမသာရှောင်ဖယ်သွား၏။ဒီကောင်မလေးဘာတွေဖြစ်နေပါလိမ့်။
"နေကောင်းတာတော့ဟုတ်ပါပြီ။ ဒါပေမယ့်ကစားကွင်းနဲ့ camping ကဘာဆိုင်လို့လဲ။Appaက ကစားကွင်းပဲလိုက်ပို့ပေးမယ်ပြောတာလေ။ camping ထွက်မယ်လို့မပြောမိပါဘူး"
"ဒါ..ဒါပေမယ့်ကစားကွင်းက Appa သွားချင်တာလေ။ ဆာရန်းသွားချင်တာမှမဟုတ်တာ"
"အဲ့..အဲ့ဒါက.."
သူကလည်းဆာရန်းပြောသလိုပဲဆာရန်းကိုအကြောင်းပြပြီးကစားကွင်းထဲမှာစိတ်ကြိုက်လည်ဖို့ပတ်ဖို့ကြံစည်ခဲ့မိတာမို့ဘာမှဆက်မပြောနိုင်ဘဲနှုတ်ဆိတ်နေလိုက်ရသည်။
"ကစားကွင်းသွားရအောင်ဆာရန်းက,ကလေးမှမဟုတ်တာ။ အဲ့ဒါကြောင့်.. ကစားကွင်းအစား camping ပဲသွားရအောင်နော်"
အဲ့ဒါဆိုကစားကွင်းသွားချင်မိတဲ့သူကရောကလေးလား။ လူကြီးတွေလည်းကစားကွင်းသွားကြတာပဲ။ မရောက်တာကြာလို့သွားချင်မိတာသူ့အပြစ်လား.. အဲ့ဒီ့နေ့ကျရင်ဝတ်ဖို့ DIY t-shirt လေးနဲ့Supermanဝတ်ရုံလေးပါပြင်ဆင်ထားတဲ့ဟာကို မသွားရတော့ဘူးဆိုတော့..ကိုယ့်ကိုယ်ကိုတောင်သတိမထားမိလိုက်ဘဲကလေးဆန်စွာနှုတ်ခမ်းစူမိသည်။ ဆာရန်းရဲ့အလိုကိုအမြဲလိုက်လျောခဲ့ပေမယ့်ဒီကိစ္စမှာလွယ်လွယ်နဲ့အလျှော့မပေးချင်ပါ။
YOU ARE READING
Can We Become Strangers? (✔️)
Fanfiction(Unicode) ရင်ထဲမှာသူရှိ,မရှိကိုနှလုံးသားကအလိုလိုသိနေပြီးသားပဲ.. အဲ့ဒါကြောင့်အကြောင်းအမျိုးမျိုးကြောင့်လမ်းခွဲကြပြီးရင်သူစိမ်းတွေဖြစ်သွားမှာလားဆိုတဲ့မေးခွန်းကိုမေးမနေတော့ပါဘူး.. Jeon Jung Kook 💜 Kim Seok Jin (Zawgyi) ရင္ထဲမွာသူရ...