Almost Cruel

Chapter 14

Chapter 14

"Palagi ba kayong magkasama ni Kai, Jude?" Tumigil ako sa pagkain at binalingan ang Papa ni Kai.

"Uhm, opo." Sagot ko.

Bumalik nanaman kami sa breakfast thing every saturday. Dahil kung Sunday ay may ibang lakad ang pamilya nila.

Mabait ang tungo saakin ng step mother ni Kai. Pero napansin kong ganoon siya sa tuwing nariyan si Kai o ang Papa niya, pati si Chelseah. Pero kapag kaming dalawa lang, o kung kasama man si Cheska ay pinaparamdam niya ang disgusto saakin. Pagpapanggap lang ang kabaitan niya saakin.

Kai's father chuckled. "I'll talk to you later about it." He told me. Tumango naman ako.

Pinili kong hindi pagtuunan ng pansin ang mapanuri at nanliliit na mga mata ng babaeng nasa harap ko. Cheska chuckled with his dad, kahit na wala naman daw itong alam. She's just friendly and kind to me. While Chelseah was just cold.

Si Chelseah ay kamukhang kamukha ang kaniyang ina, hindi ko makitaan ng kaonting pamilyaridad na galing sa kaniyang ama. Si Cheska ay nakuha ang magkahalong features ng Daddy at Mommy niya. At si Kai ay halo ng sa totoong Mommy niya at ng kay Sir Keanu.

Naalala ko tuloy ang sinabi ni Kai na anak sa unang asawa ni Ma'am Charisse si Chelseah at ang buong anak talaga ng mag-asawa ay si Cheska lang.

Natapos ang breakfast at inanyayahan niya akong magkwentuhan habang may inilatag na dessert sa mesa.

"How are you?"

"Ayos lang naman po. Kayo po?"

"How formal!" Nakangisi niyang pahayag bago napailing.

"Anyways... Kai is always with you, right? Sa bahay ba ninyo?" He asked casually.

"Opo, pero minsan ay sa condo niya." Sumimsim siya ng kape at tumango.

"U-huh, mabuti at nagiging maayos na ang relasyon niyo." Pormal akong tumango. Paniguradong malamig ang dating sakaniya. Kay Kai lang naman nagiging mainit ang ekspresyon ko, uh--shit? That sounds wrong. Tuwing si Kai ang naaalala ko ay nag-iinit ang pisngi ko at the same time ay may humahaplos sa puso ko.

"Opo."

"That's good. Graduating kana diba? What are your plans after graduating?"

Nag-isip ako. Buo naman ang plano ko sa isip na matapos mag-aral ay magtatrabaho muna ako para makapag-ipon din sa pang board ko. Kasama pa ang plano naming magkakaibigan na sabay sabay kami. Sina Kaye ay may ibang gustong gawin at palagi nila akong sinasali sa mga plano nila.

"Magtatrabaho po muna ako bago mag take ng board para makapag-ipon." Napakunot ang noo niya.

Humilig siya sa inuupuan at humalukipkip.

"You can focus on your board without worrying  about the money, Jude. Alam na ba ito ni Kai?" I shook my head.

"Hindi pa po. Pero alam ko naman pong maiintindihan niya iyon." Lumitas ang ngisi sa labi niya.

"I can see that... Anyways, about Kai, alam mo bang kakapasok palang niya sa opisina ay gusto na agad umuwi? He would finish all his work immediately and would insist to come home dahil wala ka raw kasama sa bahay." Napahalakhak siya.

Kai's father is always fun to be with. Intimidated kung seryoso pero kapag mangingisi ay agad na mawawala. He looked friendly as always. Sobrang light kapag kausap at kasama.

"Uhm, madalas naman po ako sa duty." He nodded.

"Kaya nga, eh..."

"Nagkakaproblema po ba sa trabaho niya kaya gusto niyo akong kausapin? Dahil maagang umuuwi at tamarin?"