(Unicode)
အပိုင်း - ၁၆
နေ့လည်နေ့ခင်းအချိန် ကောင်းကင်ပြာ၌ တိမ်များကင်းစင်နေပြီး စိမ်းလန်းသည့်မြက်ခင်းပြင်ကျယ်ကြီးတစ်ခုဆီ၌လည်း လေပြေလေညင်းတို့က တဖြူးဖြူးတိုက်ခတ်နေသည် ။ ထိုစဉ် အဝေးတစ်နေရာမှ အရှိန်အဟုန်ဖြင့်ပျံသန်းလာသော မြှားတစ်စင်းသည် ‘ ရွှီ ’ ဟူသောအသံဖြင့် တစ်ဖက်ရှိ ပစ်မှတ်တည့်တည့်သို့ ‘ ဒုတ် ’ ခနဲကျရောက်လေသည် ။
“ အလယ်တည့်တည့်ကို ထိပါတယ် ကြင်ယာတော် ”
နံဘေးတွင်ရှိနေသော ကိုယ်ရံတော် ထယ်ဟန်၏စကားကြောင့် ထယ်ယောင်း ပြုံးလိုက်သည် ။
‘ အာ.... သူက 21 ရာစုမှာကတည်း မြှားပစ်တာသိပ်တော်တဲ့ ထိပ်တန်းအဆင့်ရုပ်ရှင်မင်းသားလေ... ဆယ်ပေအကွာလောက်က ပစ်မှတ်ကိုတော့ သူအေးဆေးပစ်နိုင်ပါတယ် ’
ထယ်ယောင်းနှင့် သူ့၏ကိုယ်ရံတော်လေးယောက်တို့ တိုက်ဆိုင်မှုကလည်း တော်တော်လေးကိုရယ်ရသည် ။ သူ့နာမည်က ထယ်ယောင်း... ကိုယ်ရံတော်လေးယောက်၏နာမည်တွေက ထယ်ဟန် ၊ ထယ်ဆို ၊ ထယ်မင်း ၊ ထယ်အို တဲ့... မသိရင်ညီအစ်ကိုအရင်းကြီးတွေကျနေတာပဲ ။ ယန်လေးရဲ့နာမည်ကိုသာ ထယ်ယန်း လို့ပေးကြည့်လိုက်ပါလား... စစ်သူကြီးအိမ်တော်မှာ ‘ ထယ်လူမျိုး ’ ဆိုပြီးပေါ်ပေါက်သွားလေမလားမသိ ။
ယခုတလော နေ့လည်ခင်းပိုင်းတို့တွင် ထယ်ယောင်း မြင်းစီးခြင်းနှင့်မြှားပစ်ခြင်းကို အပြင်းအထန်လေ့ကျင့်ဖြစ်နေသည် ။ အကြောင်းမှာ မကြာမီအချိန်တွင်းမှာပင် ဆောင်းဦးရာသီအကြိုတော်ဝင်အမဲလိုက်ပွဲကျင်းပမည်ဖြစ်တာကြောင့်ပင် ။ အမဲလိုက်ပွဲသည် ထုံးစံအားဖြင့် တစ်နှစ်လျှင်နှစ်ကြိမ်ကျင်းပလေ့ရှိသည် ။ ပုံမှန်အားဖြင့်တော့ နွေဦးနှင့်ဆောင်းဦးတို့တွင်ကျင်းပလေ့ရှိသည် ။
သို့သော်ယခုနှစ်ကတော့ ဆောင်းဦးမရောက်ခင် ဆောင်းဦးအကြိုအဖြစ်ကျင်းပမည်ဖြစ်သည် ။ ထိုကဲ့သို့ ကျင်းပရခြင်းအကြောင်းကိုတော့ ဘုရင်မင်းမြတ်နှင့် အမတ်တစ်ချို့သာ သိပေလိမ့်မည် ။ ထယ်ယောင်းကိုယ်တိုင်ပင် ထိုအကြောင်းကိုမသိပေ ။ အချစ်ကိုမေးတော့ ‘ ငါလည်းမသိဘူး ’ ဟုသာပြန်ဖြေလေသည် ။ မဖြေပြချင်တဲ့ အဖြေတစ်ခုအတွက်တော့ ထယ်ယောင်းလည်း လေကုန်ခံပြီးမေးမနေတော့။
YOU ARE READING
I'm Not A Girl |TK|✓
Fanfictionအချစ်သာ နေမင်းကြီးဆိုရင်...ထယ်က နေမင်းကြီးဘေးမှာ ဝန်းရံနေမဲ့ ဂြိုလ်ငယ်လေးတစ်လုံး .... Start - May 15,2021 End _ Sep 17,2021 အခ်စ္သာ ေနမင္းႀကီးဆိုရင္...ထယ္က ေနမင္းႀကီးေဘးမွာ ဝန္းရံေနမဲ့ ၿဂိဳလ္ငယ္ေလးတစ္လုံး .... #cover_art_by_Luno
