(Unicode)
အပိုင်း - ၃၅ (ဇာတ်သိမ်း)
ချစ်သူနှစ်ဦးကြားက " ယုံကြည်ခြင်း " ဟူသည့်စကားစုလေးသည် ထိုအခါမျိုး၌ အရေးပါသည့်အရာဖြစ်သည် ။ ထယ်ယောင်းပြောသည့်စကားများသည် မှန်သည်ဖြစ်စေ မှားသည်ဖြစ်စေ " ခွဲခွာရခြင်း " ဟူသည့်အဖြစ်အပျက်ကို ဂျောင်ကုတကယ် ကြောက်ရွံပါသည် ။ ရှီလာနိုင်ငံတော်ကြီး၏ အရေးအခင်းကို ပုခုံးပေါ်တင်၍ မြောက်များစွာသော စစ်ပွဲတို့ကိုကြုံဖူးသော်လည်း ထိုကဲ့သို့မကြောက်လန့်ခဲ့ဖူးပေ ။
သို့သော် ချစ်ရသူနှင့်ခွဲခွာရခြင်းကိုတော့ ဂျောင်ကုတကယ်ကြောက်ပါသည် ။ အချစ်သည် ပျော်ရွှင်မှုကိုပေးအပ်သည် ။ အချစ်သည် နူးညံ့ခြင်း ၊ သာယာခြင်း စသောပိတိအပြုံးတို့ကိုပေးအပ်သည် ။ ထို့ပြင် အချစ်ဆိုသည့်အရာကပဲ ဝမ်းနည်းခြင်း ၊ နာကျင်ခြင်း ၊ ကွဲကွာခြင်း ၊ ခွဲခွာခြင်း ဟူသည့်အရာတို့ကို ဆောင်ယူလာပြန်သည် ။ ကောင်းခြင်း ၊ ဆိုးခြင်းအရာနှစ်ခုဒွန်တွဲနေသည့် အချစ်သည် လူသားတို့အား ချစ်တတ်အောင်သင်ပေးသကဲ့သို့...မုန်းသွားအောင်လည်းပြုလုပ်နိုင်ကြသည် ။
ဒုဓလီပန်းခင်းကြီး၌ တင်းကျပ်စွာဖက်တွယ်ထားကြသည့် လူသားနှစ်ဦးသည်လည်း အချစ်ဆိုသည့်အရာတွင် ကျရှုံးခဲ့ကြသူများပင်ဖြစ်ပေသည် ။ ချစ်တတ်ခြင်းနှလုံးသားတစ်စုံကိုသာအရင်းတည်ခဲ့ကြသည့် သူတို့နှစ်ဦးသည် စင်စစ်လျှင် ယောင်္ကျားသားနှစ်ဦးပင်ဖြစ်ကြသည် ။ လောကကြီး၏နိယာမအရ လိင်တူချစ်ခြင်းသည် မဖြစ်သင့်သောအရာတစ်ခုဟုယူဆကြပေလိမ့်မည် ။ သို့သော် မှားသည် ။ ယောင်္ကျားဖြစ်စေ ၊ မိန်းမဖြစ်စေ မည်သူမဆို ချစ်ခွင့်ရှိသည် ။ ၎င်းကို ဒီချစ်သူစုံတွဲက သက်သေပြနေခဲ့ပြီမဟုတ်လား ။
ဝေးကွာလွန်းသည့် ခေတ်နှစ်ခေတ်၌ မွေးဖွားခဲ့ကြသည့်သူတို့နှစ်ဦးသည် သုံးနှစ်တာဟူသော တဒင်္ဂအတွင်းမှာပင် ချစ်ခဲ့ကြသည် ။ ထို့ကြောင့် အချစ်သည် မျက်လုံးဖြင့်တပ်အပ်မမြင်ရသော်လည်း အင်အားကြီးသည် ။ ဝေးကွာလွန်းသည်ဖြစ်စေ ၊ နီးကပ်လွန်းသည်ဖြစ်စေ အချစ်ဆိုသည့်အရာရှိနေခဲ့ပါက အရာအားလုံး သူ့အလိုလိုဖြစ်လာလိမ့်မည်ပင် ။
YOU ARE READING
I'm Not A Girl |TK|✓
Fanfictionအချစ်သာ နေမင်းကြီးဆိုရင်...ထယ်က နေမင်းကြီးဘေးမှာ ဝန်းရံနေမဲ့ ဂြိုလ်ငယ်လေးတစ်လုံး .... Start - May 15,2021 End _ Sep 17,2021 အခ်စ္သာ ေနမင္းႀကီးဆိုရင္...ထယ္က ေနမင္းႀကီးေဘးမွာ ဝန္းရံေနမဲ့ ၿဂိဳလ္ငယ္ေလးတစ္လုံး .... #cover_art_by_Luno
