Unicode
ငွေတာရီမိုးသောက် ချမ်းစိမ့်စိမ့်အအေးဒဏ်သည်ကာ ခြိန်း၏ရင်ခွင်အနွေးဓာတ်ကိုတော့ မထိခိုက်နိုင်ပေ ။ အဝတ်မကပ်သော ကိုယ်နှစ်ခုကြား လေဝင်ပေါက်ပင် မရှိနိုင်လောက်အောင် တင်းကြပ်စွာ ဖက်တွယ်ရစ်နှောင်ထားကြသည် ။
လေးလေးပင်ပင်အမြင်အာရုံမှာ အတိအလင်မှိတ်တုတ်မှိတ်တုတ်နှင့် မျက်လွှာလေးများအား အမြင်ကြည်စေလိုက်ပြီး ရှေ့က ရှူမကြည်းဖွယ် မျက်နှာချောချောကို အပြုံးရိပ်ခြုံကာ အနမ်းခြွေလိုက်၏ ။
ခြိန်းသည် နှစ်ဆယ်ကျော်လူငယ်လေးတစ်ယောက်ဖြစ်သော်ငြားလည်း ခန္ဓာကိုယ်ဖွဲ့စည်းတည်ဆောက်ပုံမှာ ထူးခြားသည်ထက်ကို ပိုလွန်းသည် ။ အရပ်အမောင်း ကိုယ်နေကိုယ်သွေး အချိုးအစားပြေပြစ်မှုက အနောက်နိုင်ငံမှတိုင်းတစ်ပါးသားများကဲ့သို့ ထူးခြားပေသည် ။ အသားရေတို့က ဖြူသည်ထက် ဖွေး၏ ။
"အင်း....''
"နိုးပြီလား ခြိန်း''
"အင်း...ကိုကို နာနေသေးလား''
မင်းစစ်က မျက်စောင်းဝင့်လိုက်ပြီး ခြိန်းရင်ဘတ်ကို လက်သီးဆုပ်ဖြင့် ခပ်ဖွဖွလေး ထိုးလိုက်တော့သည် ။
"မင်းလုပ်တာ မင်းမသိဘူးလား''
"သိလို့ မေးနေတာပေါ့ဗျာ ခင်ဗျားလေးမသက်သာရင် ကျုပ်ကဆေးထပ်လိမ်းပေးမလို့ပါဗျ''
"အခုမှ လာလိမ်မာပြနေတယ် ငါလုပ်လိုက်ရ!''
"ကြောက်ပါပြီဗျ....''
"ခြိန်း.....ငါအိမ်မက်မက်နေတာတော့ မဟုတ်ဘူးမလား''
"ဘာလို့လဲ ကိုကိုရ''
"မင်းနူးညံ့နေတာလေ ငါကြက်သီးတောင်ထလာပြီ''
"ဟား.....ဟား.....ကိုကိုကွာ ခင်ဗျားကြီးလဲ ချစ်ဖို့ကောင်းလွန်းနေပြီ ''
"ငါက အိုနေပြီ''
"ဒီစူထော်နေတဲ့ နှုတ်ခမ်းနဲ့ရုပ်လေးကလား အိုတာ''
"ငါကအိုနေတော့ မင်းကပစ်သွားမှာလား''
စကားလေးတစ်လုံးချင်းစီတိုင်းမှာတောင် မင်းစစ်က နှုတ်ခမ်းလှလှလေးကို စူထော်ထားသည် ။
YOU ARE READING
𝙈𝙮 𝙝𝙪𝙨𝙗𝙖𝙣𝙙 𝙞𝙨 𝙫𝙚𝙧𝙮 𝙢𝙚𝙖𝙣 𝙩𝙤 𝙢𝙚 (Complete)
Romantikus"အချစ်ကို မသိခင်တုန်းကတော့ ငွေကိုဘဲ ကိုးကွယ်ခဲ့ဖူးတယ်!!!" "အခုတော့...ခင်ဗျားကိုဘဲ ကျုပ်ကိုးကွယ်နေမိပြီ"
