𝙈𝙮 𝙝𝙪𝙨𝙗𝙖𝙣𝙙 𝙞𝙨 𝙫𝙚𝙧𝙮 𝙢𝙚𝙖𝙣 𝙩𝙤 𝙢𝙚 (Complete)

Extra - end

Unicode

အင်းလေးမိုးရာသီက မိုးလေးတဖွဲဖွဲနဲ့ ချမ်းစိမ့်စိမ့်ရယ်သာ။ ကြာပန်းတွေက ရေအိုင်တစ်လျှောက်ပွင့်လန်းနေလိုက်များရှုပျော်လွန်းလို့ပင်။ မိုးစက်တို့က အင်းလေးကန်အတွင်းအပေါက်ပေါက်ကျဆင်းလျက်ရှိ၏။ ရေပေါ်အိမ်ကျယ်ကျယ်လေးအတွင်း မိုးဓာတ်ကိုခံစားရင်း ဟန်ဓနရိုးဟာ စာအုပ်ထူထူကို အာရုံပြုလို့။

သူဒီကိုပြောင်းနေဖြစ်ခဲ့တာ အချိန်ရယ်က 5နှစ်ရှိပြီ။ ကွဲဖူးတဲ့အသည်းဟာလည်း အသစ်ဖြစ်စပြုနေပါပြီ။ မပိုင်နိုင်တဲ့နှလုံးသားကိုမေ့ဖြစ်ဖို့ သူကြိုးစားခဲ့တာဟာ 5နှစ်တောင်ရှိခဲ့ချေပြီ။ ချစ်ခဲ့ဖူးသူကတော့ သူပိုင်ဆိုင်ရာနဲ့သူမို့ ဓနမနှောက်ယှက်လိုတော့ပေ။

သူကိုယ်တိုင်ကလည်း နေသာကျနေပြီဖြစ်လို့ မလွမ်းတော့ပါဘူး။ဒါပေမဲ့အချစ်ဦးမို့ ဘယ်မေ့လွယ်ပါ့မလား အခွင့်ကြုံရင်ကြုံသလိုတော့ အမှတ်ရနေမိတုန်းပါဘဲ။

ဒါအပြင်ဟိုကလေးကိုရော သူသတိရမိပါရဲ့။ မင်းအဆင်မှပြေရဲ့လား ချာတိတ်ရေ။ဒီချိန်ဆို မင်းလည်းလူပျိုပေါက်လေး ဖြစ်ရောပေါ့။ ချစ်သူအသစ်ကောရနေမလားလို့ ကိုယ်ပူမိပေမဲ့။ ကိုယ်တို့ကမစသင့်တဲ့ဇာတ်လမ်းလေးမလို့ ကိုယ်ထပ်လည်းမနာကျင်ချင်တော့ဘူး။ အရွယ်ငယ်ငယ်ကစိတ်ကူးယဥ်ခဲ့တဲ့ကိုယ့်ကို အဲ့ကလေးကတကယ်ချစ်ဖို့ဆိုတာ ဖြစ်မှမဖြစ်နိုင်ပဲလေ။

အခုဓနရိုးကသူလာရာ မိဘမဲ့ဂေဟာလေးဆီမှာဘဲ ငွေကြေးထောက်ပံ့လို့ စာသင်ပေးရင်းဘဝကိုဖြတ်သန်းဖြစ်ပါသည်။နေ့ရက်တိုင်းကတော့ သာသာယာယာပါဘဲ။ တခါတလေ သူ့အစ်ကို မာန်ဝဏ္ဏခြိန်းနဲ့တော့အဆက်အသွယ်ရှိပါရဲ့။ ဖေဖေကတော့ လွန်ခဲ့တဲ့ ၃နှစ်လောက်ကပဲ လူကြီးရောဂါနဲ့ဆုံးသွားခဲ့သည်။ ဖေဖေရဲ့နောက်ဆုံးခရီးကိုတော့ သူလိုက်ပို့ဖြစ်ခဲ့ပါသည်။

အခု သူ့အစ်ကိုမိသားစုမှာ လသားအရွယ်သားလေးတစ်ယောက်မွေးစားလိုက်တယ်ပြောတယ် ။ အဲ့ကလေး၏မိဘတွေက ကလေး၅လသားအရွယ်မှာဘဲ ကားမတော်တဆဖြစ်ပြီးဆုံးသွားကြတာကြောင့် ဆေးရုံကနေကလေးအကြောင်းကြားသွားတဲ့ မာန်ဝဏ္ဏခြိန်းက ကလေးကိုမြင်ပြီးသနားလို့ မွေးစားခဲ့တာပင်။ နောက်ပြီး သူပြောတာကလေးက ဖေဖေငယ်ငယ်ကပုံနဲ့အတော်တူသည်တဲ့။