My Bad Brother(Completed)

Part-8

လရိပ်ရွှေရည်ချိန်းထားသည့်ရွှေတိဂုံဘုရားတောင်ဘက်မုခ်သို့လာခဲ့လိုက်သည်။သူရောက်လာသည်နှင့်မျက်လုံးတစ်ချက်ဝေ့ကြည့်လိုက်တယ်ဆိုရင်ဖြင့် မက်တပ်ရပ်ကာစောင့်နေသည့်ရွှေရည်ကိုတွေ့လိုက်ရသည်။လရိပ်ချိန်းထားသည့်အချိန်ထက်နာရီဝက်စောရောက်တာဖြစ်ပေမယ့်ရွှေရည်ကအရင်ရောက်နေသည်။ရွှေရည်ကသူမဆံပင်တွေကိုခပ်မြင့်မြင့်ချည်ထားပြီး။ခရမ်းနှင့်အနက်ရောင်ဖောက် ပါတိတ်ဝမ်းဆက်လေးဝတ်ဆင်ထားသည်။လူကြားထဲမှာထင်း၍တောက်ပနေသောချစ်သူလေးကိုလရိပ်ကြည့်မဝဖြစ်ရပြန်၏။

"ရွှေရည်"

လရိပ်အသံကြောင့်ရွှေရည်လှည့်ကြည့်လာသည်ပြီးတော့သူမမျက်ဝန်းထဲကမျက်ရည်စတွေနှင့်မို့သူရင်ထိတ်သွားရသည်။

"ရွှေရည် ဘာဖြစ်လို့လဲ"

"ကိုကို~~"

"ဘာလို့လဲကိုယ့်ကိုပြော ကိုယ်ရင်တွေပူလိုက်တာ"

"ရွှေရည်တို့လမ်းခွဲရအောင်"

"ဟင်! ဘာ ဘာကြောင့်လဲ။"

"ကိုကိုနဲ့ရွှေရည်ကမိုးနဲ့မြေလိုကွာတယ်"

"ဘာတွေပြောနေတာလဲ.ကိုကိုဘဝကရွှေရည်နဲ့မခြားနားဘူးလို့ပြောတယ်လေ"

"ဘာဖြစ်ဖြစ် ကိုကိုက ရှင်းအုပ်စုရဲ့အဖိုးတန်သား စာရင်းထဲမှာပါတယ်လေ။ကိုကို့ကိုရွှေရည်လိုလူမျိုးနဲ့..."

"အစ်ကိုပါပါးကိုလဲ ဖွင့်ပြောထားပြီးပြီ။ဘာတွေကများ"

"ရွှေရည်ဘာမှမပြောချင်တော့ဘူး။အိမ်ကလဲရွှေရည့်ကိုလက်ထပ်ပေးတော့မှာ"

"ရွှေ ရွှေရည်!"

ရွှေရည်က ထိုနေရာမှပြေးထွက်သွားခဲ့သည်။ရုတ်တရက်ကြီးဘာဖြစ်တာလဲလရိပ်နားမလည်နိုင်။သူမဟုတ်ပဲဘာဖြစ်လို့တခြားသူနဲ့သဘောတူချင်ရတာလဲ။သူကဘာတွေများလိုအပ်နေလို့လဲ။ရွှေရည်ပြောသလိုမိုးနဲ့မြေကွာတယ်ဆိုတာ ဆင်ခြေသက်သက်ပဲ။ကိုယ်က ရှင်းအုပ်စုရဲ့မွေးစားသားဆိုတာ လူတိုင်းသိတယ်။ပြီးတော့ပါပါးက ဟိုလူနဲ့မတန်ဘူးဒီလိုနဲ့မတန်ဘူးလို့ပြောဖို့နေနေသာသာ ကိုယ့်ထက်နိမ့်ကျတဲ့သူတွေကိုအမြဲကူညီကယ်တင်ပေးနေတဲ့သူ။ လရိပ်ခေါင်းထဲ‌တွင်ရှုပ်ထွေးလာပြီးရင်ထဲမှာလဲဟာတာတာဖြစ်နေသည်။သူအိမ်ကိုသာပြန်လာပြီးအနားယူဖို့ဆုံးဖြတ်ကာ အိမ်ပြန်လာချိန်မှာတော့..