Unicode~
သူမက်တဲ့ အိပ်မက်က ထူးဆန်းနေသည်။
ပိုထူးဆန်းတာက မနေ့ကမှ တွေ့ဖူးတဲ့ အဲ့ဒီလူကို အိပ်မက်တလျှောက်လုံးမှာ တွေ့ခဲ့ရခြင်း။
အိပ်မက်တို့ ထုံးစံအတိုင်း မြင်ကွင်းပုံရိပ်တွေက အပိုင်းပိုင်းပြတ်ထွက်လို့။
မနက်မိုးလင်းတာနဲ့ ပြတ်ထွက်နေသော အိပ်မက်အပိုင်းအစတွေကို ဆက်စပ်ရင်း အဖြေရှာနေမိတော့တာ။
အဲ့ဒီလူနဲ့ သူနဲ့ ဘတ်စ်ကားပေါ်မှာ ဘေးချင်းယှဥ်ထိုင်နေခဲ့ကြသည်။
အဲ့ဒီလူက သူတွေ့ခဲ့ရသလို မျက်မှန်ထူထူနဲ့ သက်လတ်ပိုင်းယောကျ်ားကြီးတစ်ယောက်မဟုတ်။
သူနဲ့ရွယ်တူ ကောင်လေးတစ်ယောက်လိုပဲ.. ကျောပိုးအိတ်လေးတစ်လုံးနဲ့ ဘတ်စ်ကားပေါ်မှာ တကုတ်ကုတ်စာလုပ်နေသူ။အဲ့ဒီလူကို သူက Lollipopလေးလက်ဆောင်ပေးခဲ့သေးတယ်တဲ့လေ။
အချစ်ရုပ်ရှင်လေးတစ်ပုဒ်လို ကြည်နူးစရာအတိမို့ ဖက်ထားတဲ့ အရုပ်ကိုပင် ပိုတင်းနေအောင်ဖျစ်ညစ်ပြီးလျက်သား။
အိပ်မက်ထဲမှာ သူနဲ့ အဲ့ဒီလူက စက်ဘီးလေးတစ်စီးပေါ်မှာ။
ဂျုံခင်းတွေကိုလည်း မြင်ခဲ့ရသည်။ ပန်းချီကားတစ်ချပ်ကို ကြည့်နေရသလိုပဲပေါ့။ညအမှောင်ရိပ်မှာလည်း အတူကခဲ့ကြသေးသည်။
အနမ်းတစ်ခုကိုမျှဝေခံစားနေကြောင်းကို ဘာလို့အိပ်မက်ထဲထည့်မက်မိတယ်မသိ.. တွေးမိရုံတင် ကြက်သီးတဖြန်းဖြန်းထချေပြီ။
တစ်ယောက်တည်း အခန်းထဲမှာ ရှက်နေမိပုံများ ပါးနှစ်ဖက်က ပန်းသီးနှစ်လုံးလို ရဲတွတ်လာလို့။အိပ်မက်အကြောင်း ပြန်တွေးရတာနဲ့တင် သူရင်တွေ တသိမ့်သိမ့်လှိုက်ခုန်လာရသည်။
၁၈နှစ်အရွယ်ကောင်လေးမို့ စိတ်ကစားမိပြီး ရင်ခုန်နေတာမျိုးမဟုတ်။
ရေစက်လို့ခေါ်ရမလား.. ဘယ်လိုခေါ်ရမလဲ.. အဲ့ဒီလိုရင်ခုန်မှုမျိုး။ အနှစ်နှစ်အလလက ကြုံဆုံဖူးသလို.. ရင်ခုန်ခြင်းတွေကလည်း စိမ်းသက်မနေ။
YOU ARE READING
𝘐𝘯𝘷𝘪𝘴𝘪𝘣𝘭𝘦 𝘚𝘵𝘳𝘪𝘯𝘨
FanfictionJust the only string tying me to invisible you.. Please don't ever give up on me.. JJK x KTH Kookv