...[ U ]
စာအိတ်အနီတွေဘယ်မှာရောင်းလဲ ?
လုကျိုးမေးလာတယ်။
" ကျွန်တော့်မိဘတွေကို ကျိုးကော
စာအိတ်နီ ပေးစရာမလိုဘူး"
ရှောင်ရီက သူ့ ညီရဲ့ ကားကို မောင်းထုတ်ပြီး ပြောလာတယ်၊
" ကျွန်တော့် ပိုက်ဆံတွေကို ကောပဲပေးထားတာ, ကောရဲ့ စာအိတ်နီတွေကို ကျွန်တော်တို့က ဘယ်လိုလုပ်ပြီးထပ်ယူသင့်ပါ့မလဲ ?"
လုကျိုးရှောင်ရီ စကားကို ဂရုမစိုက်တာမို့ ရှောင်ရီ တစ်ယောက်ယတိပြတ်ပင်ထပ်ပြောလာတယ်၊
"ကျိုးကော, ကောကို အပြင်လျှောက်လည်ရအောင်ခေါ်သွားမယ်, ဒီနှစ်အစမှာ ကျွန်တော်တို့ ရေပူစမ်းသွားကြမယ်"
တနေကုန်လုကျိုးတစ်ယောက်ရှောင်ရီ ခေါ်သမျှနေရာတွေကို လိုက်လာတယ်၊လုကျိုး က ပေကျင်းမှာတောင် လူအများစု ရှိတဲ့နေရာမျိုးဆို သိပ်ပြီး သွားလေ့သွားထ မရှိတာကို
ရှောင်ရီ သိတယ်၊ အိမ်ထဲမှာ သို့မဟုတ် ကားထဲမှာပဲနေလေ့ရှိပြီး ရိုးရှင်းတဲ့ လူနေမှုအဆင့်ရှိ စျေးဝယ်စင်တာတွေမှာသာဝယ်ယူလေ့ရှိတယ်၊ ထို့အပြင်စျေးဝယ်ထွက်ချင်ရင်တောင်စျေးဝယ်စင်တာကိုမသွားဘဲ နိုင်ငံခြားကိုသာသွားလေ့ရှိတယ်။
ရှောင်ရီ နဲ့ လုကျိုးတို့ ပထမဆုံး ဗီဒီယိုဂိမ်း
ဝင်ကစားကြတယ်၊ ထို့နောက် ပန်းစျေးကို လည်ပတ်ကြတယ်၊ အစပိုင်းမှာတော့ လုကျိုး
တစ်ယောက် စတိုးဆိုင်တွေကို ကြည့်ရင်း
အသားတင်တန်ဖိုးကို တွက်ချက်နေတာမို့
အကယ်၍ လုကျိုးသာလိုချင်ပါက ကုန်တိုက် တစ်ခုလုံး ကို ဝယ်နိုင်တယ်ဆိုတာကို ရှောင်ရီ
သိတယ်၊ သူ့ ခန္ဓာကိုယ်ပေါ်မှလက်ရှိဝတ်ဆင်ထားတဲ့ အဝတ်တထည် ရဲ့ တန်ဖိုးက စတိုးဆိုင် တဆိုင်စာလောက်ရှိတာမို့ ရှောင်ရီက အဝတ်အစားဝယ်ရန် မခေါ်သွားတော့ဘဲ
ထို့အစားအမှတ်တရ ပစ္စည်းဆိုင်တွေနဲ့ ဟူပေရဲ့ ဒေသထွက်အစားအစာ ဆိုင်ကိုသာခေါ်သွားလိုက်တယ်။
နေ့လည်ဘက်မှာတော့ သူတို့နှစ်ယောက် ပန်းစျေးထဲသို့ရောက်နေချိန် လုကျိုးက ပန်းစျေးမှအရာတွေကို အတော်လေး စိတ်ဝင်စားနေပြီး ပန်းစျေးတလျှောက် ကြည့်ရင်း ပြောလာတယ်၊
YOU ARE READING
ကိုယ့်ချစ်သူလက်ထောက်လေး (Complete)✅✅✅
Romanceအနုပညာလောကမှ ပုရိသနတ်ဘုရားနှင့် သာမန်လက်ထောက်လေးတို့ရဲ့အချစ်ဇာတ်လမ်းလေးပါ
