ကိုယ့်ချစ်သူလက်ထောက်လေး (Complete)✅✅✅

EP31(U&Z)

.[ U ] ❤

လုကျိုးကဆံပင်အတုကိုတပ်ဆင်ထားပြီး
ဝတ်စုံအားဝတ်ဆင်ထားတယ်၊ ရှောင်ရီ
တစ်ယောက် အနောက်ဘက်တွင်ရပ်နေ
လျက် အရူးအမူးဆန်သည့် အကြည့်ဖြင့်
ကြည့်နေမိတယ်။

လုကျိုး : " မင်းသရေတွေ ငါ့ခေါင်းပေါ်
ကျတော့မယ်"

လုကျိုး စကားကြောင့်အဝတ်လဲခန်းထဲမှာ
ရှိသူတိုင်း ထရယ်လာကြတယ်၊ ရှောင်ရီ သူ့အိတ်ကပ်ထဲမှ ပီကေလေးတစ်ခု ထုတ်ယူပြီး လုကျိုးထံသို့ ကမ်းပေးလာတယ်၊လုကျိုး
က ခြေတစ်ဖက်တင်ထားလျက် မှန်ထဲမှ
သူ့ပုံစံကို ကြည့်ရင်း သူ့မျက်ဝန်းထဲ၌အထိီးကျန်သည့် အရိပ်အယောင်တွေဖြစ်တည်လျက် ရှိနေတယ်။

လီချမ်းကျန်းက လုကျိုးအနောက်တွင်ထိုင်နေပြီး မိတ်ကပ်လိမ်းနေရင်း မျက်လုံးတွေကပါ ပြုံးယောင်သမ်းနေလျက် မှန်ထဲမှလုကျိုးအား ကြည့်နေတယ်။

" နှစ်တွေ အများကြီးကြာမှ ..."

လီချမ်းကျန်း ပြုံးပြရင်း,

" စီနီယာအစ်ကို နဲ့ ရုပ်ရှင်တစ်ခုထဲရိုက်ဖြစ်တာ ဒါကပထမဆုံးအကြိမ်ပဲ"

ချက်ခြင်းပင် အဝတ်လဲခန်း တစ်ခုလုံး တိတ်ဆိတ်သွားတယ်၊ လုကျိုးက အပြုံး
တစ်ခုပေးလာရင်း,

" ငါတို့ နှစ်ယောက်က တစ်နှစ်တည်း ပွဲဦးထွက်တာပဲ,ငါ့ကို စီနီယာလို့ခေါ်စရာမလိုဘူး"

လီချမ်းကျန်းက လုကျိုး ထက်အနည်းငယ်
ငယ်ပုံရတယ်၊လုကျိုးက ကာယလေ့ကျင့်ခန်းတွေကို လွန်ခဲ့သည့် နှစ်နှစ်အတွင်း အပြင်း
အထန် ပြုလုပ်ပြီးနောက်၎င်း၏ လေ့လာ လိုက်စားမှုအရ လီချမ်းကျန်းထက်အသက်ပိုကြီး သယောင်ထင်ရစေတယ်၊လီချမ်းကျန်းကလည်းသူ့ကို အမြဲတစေကောလို့ခေါ်လေ့ရှိတယ်၊

လုကျိုး :" နောင်အနာဂတ်မှာမင်းကတောင်
ငါ့ကို လမ်းညွန်ပေးရဦးမှာ"

"အဲ့လောက်လည်း မဟုတ်ပါဘူး"

လီချမ်းကျန်းက အလျင်အမြန် ပြန်ပြောလာတယ်၊

နှစ်ယောက်စလုံးထံမှစကားသံတို့ တိတ်ဆိတ်သွားပြန်တယ်၊ အဝတ်လဲခန်းတစ်ခုတည်းမှာပဲ ရုပ်ရှင် နှင့် ထုတ်လွှင့်မှုဆိုင်ရာ အကျော်အ မော် နှစ်ဦး ထိပ်တိုက်ဆုံနေကြသည်မို့
ရှောင်ရီ တစ်ယောက် တုန်လှုပ်ချောက်ခြားမှုကိုပင် မရပ်တန့်နိုင်ဘူး၊ ယခင်တခေါက်လို
ရုန်းရင်း ဆန်ခတ်မှုမျိုး ထပ်ဖြစ်မလာဘူးလို့လည်း မပြောနိုင်ဘူး။