Unicode
ညနေပိုင်း ဒုတိယအချိန် အပြီးမှာ ကျန်းမန့်က အတန်းပိုင် လျိုကျစ်ကျွင်းခေါ်တာကြောင့် ရုံးခန်းကို သွားရသည်။
အကြောင်းကတော့ လွန်ခဲ့တဲ့ တစ်လက လီဝေ ပြန်တင်ခဲ့တဲ့ တောင်းပန်စာကြောင့်ဖြစ်နေ၏။
လျိုကျစ်ကျွင်းက မိဘလက်မှတ်ထိုးတားတဲ့ ထိုတောင်းပန်စာကို လက်ခံရတုန်းက ဂရုမစိုက်ဘဲ အံဆွဲထဲ သိမ်းထားခဲ့သည်။ ဒါပေမဲ့ အခုတလော လီဝေနဲ့ ပတ်သက်တဲ့ သတင်းတွေက ပိုပိုပြီးများလာတာကြောင့် ဆရာတစ်ယောက်အနေနဲ့ သူ့နားကို သတင်းကရောက်လာခဲ့ခြင်းပင်။ သူက တောင်းပန်စာကို ပြန်စစ်ကြည့်တဲ့အခါမှာ တစ်ခုခုမှားနေပြီလို့ ခံစားလိုက်ရသည်။
အဲ့ကောလဟာလတွေကို စစ်ကြည့်ဖို့ သူက လွန်ခဲ့တဲ့ ၇ နှစ်က လီဝေ တက်ခဲ့တဲ့ ကျောင်းကို ဆက်သွယ်ကြည့်လိုက်တယ်။ လီဝေရဲ့ အမေဖြစ်တဲ့ လင်ဟွေက သူ့ကို မွေးပြီးကတည်းက ဆုံးသွားခဲ့တာကို အတည်ပြုလိုက်နိုင်ခဲ့တယ်။ အဲ့တာအပြင် မိဘမဲ့ ဂေဟာက ဝန်ထမ်းက သူ့ကို လီဝေအကြောင်း ပြောပြခဲ့သေးတယ်။
ပထမတုန်းက သူထင်ခဲ့တာက လီဝေက ဒီအတိုင်းပဲ သူ့ကို စာရွက်ပြန်တင်ပေးဖို့အတွက် သူ့အမေနာမည်ကို သူ့ဟာသူ ရေးခဲ့တာလို့ပေါ့။ ဒါပေမဲ့ အဲ့ကျောင်းက လူပြောပြတာနဲ့ ပေါင်းကြည့်လိုက်အပြီးမှာ သူပိုတွေးကြည့်လေ မှားနေတာကို ပိုပြီး သတိထားမိလာလေဖြစ်လာခဲ့တယ်။
လျိုကျစ်ကျွင်းက ကျန်းမန့်ကို ခေါ်ပြီး လီဝေနဲ့ ပတ်သက်လို့ တစ်ခုခု မူမမှန်ဖြစ်နေလား မေးချင်တာဖြစ်သည်။
ကျန်းမန့် စိတ်ထဲမှာ သူဘာကို ဆိုလိုချင်မှန်း သတိထားမိလိုက်တယ်။ သူမ အရင်ဘဝတုန်းက အဲ့တောင်းပန်စာဆိုတာ မရှိခဲ့ဘူး။ ပြီးတော့ လီဝေ Schizophrenia ကို ခံစားနေရပါတယ်ဆိုတဲ့ အအကြောင်းကို ကျောင်းက ကြားသိနေခဲ့ပေမဲ့ ဘယ်တုန်းကမှ အတည်ပြုခြင်းမရှိခဲ့ဘူး။
သူမက ခေါင်းခါလိုက်ကာ
" သူ မူမမှန်ဖြစ်တာ ဘာမှမတွေ့ပါဘူး "
YOU ARE READING
(Completed) An Encounter With Your Younger Self (Myanmar Translation)
RomanceRebirth Plan to Save the Leader (completed) [ ပြန်လည်မွေးဖွားလာပြီးနောက် ဉာဏ်ကြီးရှင်ကို ကယ်တင်ခြင်း အစီအစဉ် ] မြန်မာဘာသာပြန် ⚠️Disclaimer I'm not the owner of the story. All the credits go to the original author. [Please don't repost any of my tr...
