Unicode
N မြို့ အမှတ် ၁ အထက်တန်းကျောင်းအတွက် ယခုနှစ် ရူပဗေပြိုင်ပွဲသည် အခရာကျသော မှတ်တိုင်သစ်စိုက်ထူနိုင်သည့် အထင်ကရပွဲစဉ်ဖြစ်လို့လာသည်။
ဤနှစ်မှစ၍ မြို့ပေါ်အထိအမည်မရသေးပါသော အထက်တန်းကျောင်းမှာ နာမည်ကြီးကျောင်းများသာမက ပညာရေးနယ်ပယ်မှ နောက်ခံရှိသူတို့၏ အာရုံစိုက်ခြင်းကို လက်ခံရရှိလာသည်။
ပြည်နယ်နှင့် ယှဉ်လျှင် လူသိနည်းသော အထက်တန်းကျောင်းတစ်ခုမှာ လက်ရှိအဆင့်စာမေးပွဲတွင် မြို့နယ်ဒေသအဆင့် ပထမဆု ၁၃ ဆုတိတိ ဆွတ်ခူးသွားခဲ့သည်။ ထိုသို့သော မှတ်တမ်းနှင့်ဆိုလျှင် Z မြို့၏ ထိပ်တန်းကျောင်းများရှိ လက်တွေ့အတန်းတို့နှင့် ရင်ဘောင်တန်းနေနိုင်လေပြီ။
အားကျဖို့ကောင်းသည့် ပါရမီအရည်အချင်းရှိသူများအတွက်မူ ဤမျှ ကန့်သတ်ချက်ရှိသော ဘောင်ဟာ သူတို့အတွက် အထိန်းအကွပ်မဟုတ်သေးသည်မှာ ဧကန်ပင်။
နှစ်လကြာပြီး ပြိုင်ပွဲနောက်ဆုံးပွဲစဉ်ကျင်းပသည့် ဒီဇင်ဘာစဦးတွင် ဆောင်းရာသီရောက်လို့လာခဲ့ပြန်ချေပြီ။
ထိုနှစ်၏ ပထမဆုံးနှင်းမှာ N မြို့တွင်ကျနေခဲ့ပြီး ဆောင်းရာသီ၏ အငံဓါတ်ပါသော ပင်လယ်လေတို့မှာ ထူထဲသောနှင်းမှုန်တို့ကို ကူးလူးပို့သယ်ပေးနေသည်။
အဆောက်အဦးတို့မှာလည်း နှင်းအုပ်နေကြသည်မှာ ချော်တက်နေသော လမ်းတစ်ဖက်တစ်ချက်စီတွင် စီရီထားသော ခရစ္စမတ်သစ်ပင်များအလားပင်။ သတိမမူဘဲ ကြည့်လိုက်မိရင်က ဤမြို့လေးမှာ ခရစ္စမတ်အကြိုညကို ဖြတ်သန်းနေသည့် တိတ်ဆိတ်သော ဥရောပ မြို့ငယ်လေးပမာ။
အမှတ် ၁ အထက်တန်းကျောင်းအပေါက်ဝတွင်ကား အထက်တန်း ဒုတိယနှစ်၏ ရူပဗေဒဌာနဆိုင်ရာ ရုံးခန်းဖြစ်သည်။
ရုပ်မြင်သံကြားလိုင်းအစုံမှ သတင်းထောက်များဟာ ဂနာမငြိမ်စွာ ကော်ရစ်ဒါတွင် ရှေ့လျှောက်၊ နောက်လျှောက်ဖြစ်နေကြ၏။ ရုံးတံခါးပွင့်သံကြားသည်နှင့် တစ်ပြိုင်နက် အားလုံးဟာ စုပြုံလာကြသည်။
YOU ARE READING
(Completed) An Encounter With Your Younger Self (Myanmar Translation)
RomanceRebirth Plan to Save the Leader (completed) [ ပြန်လည်မွေးဖွားလာပြီးနောက် ဉာဏ်ကြီးရှင်ကို ကယ်တင်ခြင်း အစီအစဉ် ] မြန်မာဘာသာပြန် ⚠️Disclaimer I'm not the owner of the story. All the credits go to the original author. [Please don't repost any of my tr...
