Unicode
ဇန်နဝါရီ လလယ်တွင် N မြို့၏ ဆောင်းရာသီက နက်သထက် နက်လာခဲ့သည်။
တစ်ပတ်လုံးနီးပါး နှင်းမုန်တိုင်းဝင်သွားပြီး မနေ့ညသန်းခေါင်ကျော်ကျော်လောက်ကမှ ရပ်သွားခဲ့သည်။ တစ်လက်မခွဲကျော်ထူသည့် နှင်းများဟာ လမ်းမကြီးရှိ ချုံပုတ်၊ အိမ်တံစက်မြိတ်နှင့် ခေါင်းမိုးတို့ ပေါ်တွင် အုပ်မိုးနေကြသည်။
မြို့ကြီးတစ်ခုလုံးက နှင်းဖြူဖြူတို့အောက်တွင် ဆောင်းခိုနေကြသည်။
နောက်တင်္နလာနေ့မှာ ကျောင်းစာသင်နှစ်၏ နောက်ဆုံး စာမေးပွဲဖြစ်သည်။ ကျန်းမန့် လီဝေအိမ်ကို သွားပြီး စာလုပ်ဖို့ပြင်ထားသည်ကြောင့် ရူပဗေဒ လေ့ကျင့်ခန်းစာအုပ်များကို ယူသွားခဲ့သည်။
သူမ ကျောင်းလွယ်အိတ်နှင့် အတူ မနက်စာဘူး နှစ်ခုကို ယူပြီး အောက်ထပ်ကို ဆင်းလာခဲ့သည်။ Z မြို့ကနေ ပြန်လာပြီးကတည်းက လီဝေ အိမ်ကို သွားမည့် ပထမဆုံးအကြိမ်ဖြစ်သည်မလို့ စိတ်လှုပ်ရှားစွာဖြင့် ဘက်စ်ကား မှတ်တိုင်ကို ဦးတည်ခဲ့သည်။
ကျန်းမန့် ထူထဲသော ဘွတ်ဖိနပ်တစ်ရံ ဝတ်လာပြီး နှင်းထူထူများကို ဖိနပ်အကူအညီဖြင့် ရဲရဲတင်းတင်း မွခြေနင်းခဲ့သည်။
ပုံမှန်ဆောင်းရာသီ နေ့တွေမှာ ဒီတစ်နှစ်ဆောင်းတွင်း ကဲ့သို့ ကမ္ဘာကြီးတစ်ခုလုံးက တောက်ပနေခဲ့ဖူးခြင်းမရှိခဲ့ပါချေ.
လီဝေ အိမ်ဘက်ကို ဂိတ်ဆိုက်သည့် ဘက်စ်ကားပေါ် တက်ခဲ့ပြီး ပိုပြီး မြန်မြန်ရောက်ဖို့ အလျင်စလို တက်ကြွစွာတွေးနေမိသည်။ နောက်ဆုံး နာရီဝက်ကြာအပြီးတွင် လေကြမ်းများတိုက်ခတ်နေသော ကမ်းခြေကို ဖြတ်မောင်းလာအပြီးတွင် လီဝေနေထိုင်သည့် ရပ်ကွက်နှင့် မဝေးတော့။
ဘက်စ်ကား မရောက်ခင် ကားရပ်ရမည့် ဆိုင်းဘုတ်မှာ သူမကို စောင့်နေသည့် ဆယ်ကျော်သက်ကောင်ငယ်လေးကို ကျန်းမန့် တွေ့လိုက်သည်။ သူက အနက်ရောင်ဝတ်ဆင်ထားပြီး သူ့ဘေးနားရပ်နေသည့် ဦးလေးကြီးများထက် ပိုပြီး ပိန်သွယ်သွယ်လေးဖြစ်နေသည်။
ဘက်စ်ကားလာမည့် ဘက်ကို သူ့မျက်လုံးများက ပင့်မျှော်ကြည့်နေပြီး နှင်းများကြား အထွန်းလင်းဆုံး ရှုမြင်ကွင်းလေးအလား ထိုနေရာ၌ သပ်ရပ်ကြော့ရှင်းစွာ ရပ်နေခဲ့သည်။
YOU ARE READING
(Completed) An Encounter With Your Younger Self (Myanmar Translation)
RomanceRebirth Plan to Save the Leader (completed) [ ပြန်လည်မွေးဖွားလာပြီးနောက် ဉာဏ်ကြီးရှင်ကို ကယ်တင်ခြင်း အစီအစဉ် ] မြန်မာဘာသာပြန် ⚠️Disclaimer I'm not the owner of the story. All the credits go to the original author. [Please don't repost any of my tr...
