unicode
နေ့အချိန်တွင် ကမ္ဘာကြီး၏ မတူညီသော နေရာများမှာ နှင်းကျသည်ဖြစ်စေ၊ မိုးစဲသည်ဖြစ်စေ၊ နေသာသည်ဖြစ်စေ ကွဲပြားနေပေမဲ့ ညအချိန်အများစုမှာတော့ ပုံစံတူ၏။
ကျန်းမန့် လီဝေ၏ ပုခုံး၌ မှီနေရင်း ရုတ်တရက် လူတစ်ယောက်ကို သတိရသွားသည်။
သူမ တွန့်ဆုတ်ဆုတ်ဖြင့် လီဝေကို ရှုပ်ထွေးသော မျက်လုံးများဖြင့် မော့ကြည့်လိုက်သည်။
" ဘာဖြစ်လို့လဲ? ကိုယ့်ကို ဒီလိုကြည့်နေတာ "
လီဝေ သူ့လက်ညိုးဖြင့် ဇနီးသည်၏ နဖူးကို တောက်လိုက်သည်။ သူမ၏ စိတ်မရှည်သော အကြည့်ကို လက်ခံလိုက်ရရင်း သူက သူမခေါင်းကို ပွတ်သပ်လိုက်သည်။
လက်ထပ်ပြီး နှစ်တွေကြာသည့်တိုင် သူတို့ နှစ်ယောက်တည်းရှိချိန်တိုင်း သူက သူမကို လွန်ခဲ့သည့် ဆယ်စုနှစ်တစ်ခုအလွန်က ကလေးတစ်ယောက်လို ဆက်ဆံနေဆဲ။
" ရှင် ဒီနေ့ ဆုမယူခင်က ကျွန်မ အမေနဲ့ ချန်ချန်အပြင် ရှင့် ... ရှင့်ရဲ့ အဘိုးကလည်း ခေါ်သေးတယ်။ အဲ့တာ ကျွန်မ ဖုန်းကိုင်လိုက်တယ် "
လီဝေ ကြားတော့ သူ့မျက်လုံးများက အေးစက်သွားသည်။
သူ အနောက်ကို မီလိုက်ပေမဲ့ သူ့ လေသံမှာ ထူးဆန်းနေတာမျိုးမရှိ " သူ ဘာပြောလဲ "
ကျန်းမန့် သူ့ ညဝတ်အင်္ကျီလက်ကို ဆွဲလိုက်ပြီး သူ့လက်ချောင်းများကို အချိန်ခဏကြာ ကိုင်နေပြီးမှ ပုံမကျစွာ လက်ချင်း ယှက်လိုက်သည်။
" သူပြောတာ သူ့မှာ ရောဂါတစ်ခုခုတွေ့ထားတယ် အဲ့တာ ရက်တွေ သိပ်မကျန်လောက်တော့ဘူး ... ရှင် နောက်တစ်ခေါက် တရုတ်ကို ပြန်လာဖြစ်ရင် ရှင့်ကို သူ တွေ့ချင်တယ်တဲ့။ ဘယ်လို ထင်လဲ "
တကယ်တော့ လီဝေရဲ့ အဘိုး သူတို့ကို ဆက်သွယ်လာတာ ဒါက ပထမဆုံး အကြိမ်မဟုတ်။
ပထမဆုံးအကြိမ်က လွန်ခဲ့သည့် ဆယ်နှစ်ကမလား။
---
လွန်ခဲ့သည့် ဆယ်နှစ်၊ ကယ်လီဖိုးနီးယား၊ ယူအက်စ်အေ။
လီဝေ စတန်းဖို့ဒ်၌ ဒေါက်တာဘွဲ့ကို လက်ခံပြီးနောက် UC ဘာကလေ ၌ ပါရဂူလက်ထောက်အဖြစ်တစ်နှစ်ဝင်လုပ်ခဲ့သည်။ ကျန်းမန့်ကတော့ တတိယနှစ်တွင်မှာမှ စတန်းဖို့ဒ် ဆေးဘက်ဆိုင်ရာ ဧည့်ဆရာဝန်အဖြစ် ရောက်ခဲ့သည်။
YOU ARE READING
(Completed) An Encounter With Your Younger Self (Myanmar Translation)
RomanceRebirth Plan to Save the Leader (completed) [ ပြန်လည်မွေးဖွားလာပြီးနောက် ဉာဏ်ကြီးရှင်ကို ကယ်တင်ခြင်း အစီအစဉ် ] မြန်မာဘာသာပြန် ⚠️Disclaimer I'm not the owner of the story. All the credits go to the original author. [Please don't repost any of my tr...
