Unicode
မျှော်ကာမှန်းရည်အိမ်ပြန်လမ်းဆီ(၁)
နိဒါန်း_(ဒဏ္ဍာရီလာမိန်းမလှတိုင်းပြည် )
ဘီစီ ၂၂၁ ချင်မဆက်မတိုင်ခင် ပထမဆုံးဧကရာဇ် ရှီဟွမ်တိမတိုင်ခင်ကာလ
ခြောက်ပြည်ထောင်ခေတ်
နိုင်ငံငယ်များဖြင့်တကွဲတပြားဖြစ်နေသောအချိန်ကာလ
ခြောက်ပြည်ထောင်ထဲတွင်မပါဝင်သောဒဏ္ဍာရီလာတိုင်းပြည်တစ်ခုရှိ၏။
မိန်းမလှတိုင်းပြည် (သို့) ဟွားနိုင်ငံ
နှင်းတောင်တန်းတွေကာရံထားသောတိုင်းပြည်၊
သဘာဝကပေးတဲ့ခံတပ်ကြီးသဖွယ်
မည်သည့်နိုင်ငံကမှကျူးကျော်ဝင်ရောက်ရ်ျ
မရသောနိုင်ငံ၊
ဤမိန်းမလှတိုင်းပြည် ဖြစ်ပေါ်လာရတဲ့သမိုင်းကြောင်းကားဒဏ္ဍာရီဆန်လှ၏
လွန်ခဲ့သောနှစ်ပေါင်း ၁၀၀၀ခန့်က
လနတ်သမီး နှင့်အခြွေအရံများသည်
ဤနှင်းတောင်တန်းသို့လာရောက်ပျော်မြူးကြရာ ထိုဒေသရှိနတ်ရေကန်မှရေကိုသောက်သုံးမိကြလေသည်။
ထိုနောက်..
နတ်ပြည်သို့ပြန်ရောက်ပြီးမကြာခင်ကိုယ်ဝန်ရှိကုန်ကျပါသတဲ့
ထို့ကြောင့် နတ်ပြည်မှတိတ်တဆိတ်ထွက်လာပြီးနောက် ဤဒေသတွင်နန်းစိုက်နေထိုင်ရာမှမိန်းမလှတိုင်းပြည်ဖြစ်တည်လာခြင်းဖြစ်သည်။
မိန်းမလှတိုင်းပြည်တွင် မိန်းကလေးများသာရှိ၍ အုပ်ချုပ်သူ မျိုးနွယ်စုဝင်များမှာ ယွဲ့ (လ )ဟူသောမျိုးနွယ်အမည်ကိုခံယူကြသည်။
ရိုးရိုးအရပ်သူ နှင့် နန်းတွင်းသူများမှာအရွယ်ရောက်လာပါက
နတ်ရေကန်မှရေကိုသောက်ကာမျိုးဆက်ပြန့်ပွားရသည်။
မွေးဖွားလာသောမိန်းကလေးများကားပန်းလေးတစ်ပွင့်နှယ်လှပကြကုန်၏။
ထိုနတ်ရေကန်ကား ဟွားတိုင်းပြည်၏
အထွတ်အမြတ်ပင်ဖြစ်ပေသည်။
အခန်း_၁
< လနတ်သမီး၏ကိုးဆက်မြောက်မျိုးဆက်
ဘုရင်မဝမ်ယွဲ့အုပ်စိုးသောကာလ >
" မင်းကြီးကိုဂါဝရပြုပါတယ် "
ဘုရင်မဝမ်ယွဲ့ ဝင်လာသည်နှင့်
မှူးမတ်များမှာညီညာစွာဆိုလျက်ဂါဝရပြုလိုက်ကြလေသည်။
" ရပြီ....ထကြတော့
မကြာခင်အိမ်ရှေ့စံရဲ့အရွယ်ရောက်မွေးနေ့ပွဲရောက်တော့မယ်
ဘာတွေများစီစဉ်ထားသလဲ
ငါဘုရင်မကိုလျှောက်တင်စမ်း "
YOU ARE READING
မျှော်ကာမှန်းရည်..အိမ်ပြန်လမ်းဆီ(Completed)
Historical Fictionလွန်ခဲ့သောနှစ်ပေါင်း ၁၀၀၀ခန့်က လနတ်သမီး နှင့်အခြွေအရံများသည် ဤနှင်းတောင်တန်းသို့လာရောက်ပျော်မြူးကြရာ ထိုဒေသရှိနတ်ရေကန်မှရေကိုသောက်သုံးမိကြလေသည်။ ထိုနောက်.. နတ်ပြည်သို့ပြန်ရောက်ပြီးမကြာခင်ကိုယ်ဝန်ရှိကုန်ကြပါသတဲ့ ထို့ကြောင့် နတ်ပြည်မှတိတ်တဆိတ်ထွက်ခွ...
