Unicode
မျှော်ကာမှန်းရည်အိမ်ပြန်လမ်းဆီ(၂၅)
အခန်း_၂၅(ဇာတ်သိမ်း )
( ငါသာအထီးကျန် ကောင်းကင်ယံမှာ
အတောင်ပံ တဖျပ်ဖျပ်ခတ်လိုက်တယ်...)
' ပိုင်ရိကျယ်...
လက်နက်ချပြီးအညံ့ခံပါ "
ယွဲ့ထိုက်ရင်းရဲ့အော်သံကိုနန်းတော်တံတိုင်း
ထိပ်ကတောင်ကြားနေရသည်။
မြို့တော်ကိုဝိုင်းထားလိုက်ကြပြီး
တောင်..မြောက်..အရှေ့အနောက် အကုန်ပိတ်ဆို့ထားတာ..
ဟိုးအရင်က သူတို့တိုက်ခဲ့တာတောင်ဒီလောက်မပြောင်မြောက်ချေ
ထွက်ပေါက်လုံးဝမရှိအောင်ကိုပိတ်ဆို့ထားတာ
လိဟန်ကူညီဖို့လာတာတောင် အဝိုင်းခံထားရလို့ မထိုးဖောက်နိုင်ဘူးတဲ့
အဟက်..!
သူ့တိုင်းပြည်အကြောင်းသူနောကျေနေတာကိုး မထူးဆန်းတော့ပါဘူး။
" ဟေး..တစ်ယောက်လာစမ်း..
ချိန်ဖုန်း..
ရော့..ဒါကို ပိုင်ရိကျယ်ဆီသွားပေးလိုက်..
ဒါနဲ့မှမလုံလောက်ရင် သူ့မယ်တော်ဦးခေါင်းပါပို့ပေးမယ်လို့ သွား.."
" ဗျာ...!
" မင်းကို ဒီနေ့ထိအသက်ချမ်းသာပေးထားပြီး
မသတ်သေးတာ ဒီအတွက်လေ
ပိုင်ရိကျယ်က မင်းကိုတော့မသတ်လောက်ပါဘူး "
ချိန်ဖုန်းမှာ လက်ထိပ်သံကြိုးတန်းလန်းဖြင့်
ဗျာဟုသာဆိုနိုင်လေသည်။
ဟားးး ယွဲ့ညီအစ်မတွေက ဟန်ဆောင်သိပ်ကောင်းကြတာ
သူလည်းဘာထူး ယဲ့ရှင်းရဲ့မာယာအောက်မှာကျရှုံးပြီး အကျဉ်းသားဖြစ်လာရတဲ့အဖြစ်
ယဲ့ရှင်းကြောင့်ငဲ့ညှာပြီးမသတ်ပဲထားတယ်ထင်နေတာ
လတ်စသတ်တော့ သူ့ကိုအသုံးချစရာရှိသေးလို့ကိုး
" ယဲ့ရှင်း...
မင်း..ရက်စက်လိုက်တဲ့မိန်းမ
အသဲနှလုံးမရှိတဲ့မိန်းမ "
ချိန်ဖုန်း၏စကားတွေကြောင့် ယဲ့ရှင်းမှာ
တဖက်သို့မျက်နှာလွှဲနေလေသည်။
ထိုအချိန်မှာပင် ယွဲ့ထိုက်ရင်း၏အသံထွက်ပေါ်လာလေတော့သည်။
" ခွေးစကားတွေပြောမနေနဲ့ သွားတော့
ငါ သိပ်စိတ်ရှည်တာမဟုတ်ဘူးနော် "
ချိန်ဖုန်းယူလာတဲ့ နော်တော်ရဲ့ဦးခေါင်းကိုမြင်ပြီး ပိုင်ရိကျယ်တစ်ယောက် မိုက်ခနဲ
သူရက်စက်တယ်ဆိုတာထက် အဆပေါင်းများစွာ ထိုမိန်းမကပို၍ရက်စက်ပါသည်။
သူလက်မခံရင် မယ်တော့်ကိုပါသတ်မည့်ပုံပင်။
ထို့ကြောင့် နန်းတော်တံခါးကိုဖွင့်ပေးဖို့အပြင်မရှ်ိခဲ့ပါ
အဟက်.. သူဘာတတ်နိုင်မှာလဲ
အပြင်မှာက ချူတိုင်းပြည်ကရဲမက်တွေ..
နန်းတော်ထဲမှာက ဟွားရဲမက်တွေအပိုင်စီးလိုက်ပြီပဲဟာ
ပိုဆိုးတာက ကိုယ့်မယ်တော်က သူမလက်ထဲမှာ
ထို့ကြောင့် နောက်ဆုံးလက်နက်ကိုထုတ်သုံးရတော့သည်။
VOCÊ ESTÁ LENDO
မျှော်ကာမှန်းရည်..အိမ်ပြန်လမ်းဆီ(Completed)
Ficção Históricaလွန်ခဲ့သောနှစ်ပေါင်း ၁၀၀၀ခန့်က လနတ်သမီး နှင့်အခြွေအရံများသည် ဤနှင်းတောင်တန်းသို့လာရောက်ပျော်မြူးကြရာ ထိုဒေသရှိနတ်ရေကန်မှရေကိုသောက်သုံးမိကြလေသည်။ ထိုနောက်.. နတ်ပြည်သို့ပြန်ရောက်ပြီးမကြာခင်ကိုယ်ဝန်ရှိကုန်ကြပါသတဲ့ ထို့ကြောင့် နတ်ပြည်မှတိတ်တဆိတ်ထွက်ခွ...
