Unicode
မျှော်ကာမှန်းရည်အိမ်ပြန်လမ်းဆီ(၂၄)
အခန်း_၂၄(ငွေလမင်းတို့အိမ်အပြန်လမ်း )
" ယွဲ့အာ..ယွဲ့အာ..!
ယွဲ့အာ.. အချိန်တန်ပြီအိမ်ပြန်ကြစို့ "
" ဘယ်သူလဲ
မယ်..မယ်တော်လား ဒါကဘယ်နေရာလဲ "
သူမမှေးခနဲအိပ်ပျော်သွားတုန်း ကြားလိုက်ရတဲ့ခေါ်သံ
နှစ်ပေါင်းထောင်ချီကြာပေမယ့်မှတ်မိနေဆဲ
သူမရဲ့မယ်တော်လနတ်သမီး
ပတ်ဝန်းကျင်ကလည်းသူမနှင့်စိမ်းသက်လှတာကြောင့် မေးမြန်းမိတော့
" _ကောင်းကင်ဘုံပါ
_ဒါဆို သမီးတော်သေသွားပြီလား '
" ယွဲ့အာ..ငါဘယ်သူလဲမှတ်မိလား "
အသံနှင့်အတူ သူမနောက်ကျောကနေ
ပေါ်ထွက်လာတာက
ငွေရောင်တဖိတ်ဖိတ်တောက်နေသောဝတ်စုံဖြင့် ကောင်းကင်မင်းကြီးဖြစ်လို့နေသည်။
ဒါဆို သူမအိမ်မက်မက်နေတာပေါ့
" သိပ်မှတ်မိတာပေါ့ ကျွန်ုပ်ရဲ့နတ်စွမ်းအားတွေကို ချိတ်ပိတ်သွားတဲ့လူ
ကောင်းကင်မင်းကြီး "
" အနှစ်တစ်ထောင်ကြာသွားတာတောင်
မင်းကမှတ်မိနေတာပဲ "
" မမှတ်မိစရာလား
အဲ့ဒိတုန်းက သင်ကျိန်စာတိုက်သွားတဲ့စကားကြောင့် ကျွန်ုပ်ဘဝမှာဘာတွေဖြစ်ခဲ့လဲသိလား
ကျွန်ုပ်မယ်တော်၊ အရီးတော်တွေ
ညီမတွေ တူမ မြေးမြစ်တွေ "
" သူတို့ သူတို့ဘဝသစ်ကိုယ်စီနဲ့ဖြစ်နေပြီ
မင်းမယ်တော်လနတ်သမီးတောင် လူပြန်ဝင်စားလို့
သူမရဲ့ကျင့်ကြံစွမ်းအားကြောင့် နတ်သမီးဖြစ်နေပြီ
မင်းရဲ့အာဃာတတွေမကျေသေးဘူးလား "
" ဒါဆို...ကျွန်ုပ်ရဲ့အပြစ်မဲ့ပြည်သူတွေ
အသက်ကရော
သူတို့မှာဘာအပြစ်ရှိလို့လဲ
သူတို့ရဲ့အပြစ်ကဘာလဲ "
" သူတို့မှာအပြစ်မရှိပါဘူး
အပြစ်ရှိတာက မင်းရဲ့မယ်တော်လနတ်သမီးနဲ့အပေါင်းအပါတွေ
အဲ့ဒိအပြစ်ကို သူတို့ကခံယူသွားရတာ
ခုလည်း မင်း..အပြစ်တွေလုပ်နေပြန်ပြီ "
" အပြစ်..ကျွန်ုပ်ဘာများလုပ်မိလို့လဲ "
" တည်ငြိမ်အေးချမ်းနေတဲ့လူသားတွေထံ
စစ်ပွဲဆိုတဲ့သေကျေပျက်စီးစေတဲ့အရာကို
ဆောင်ယူလာဖို့ကြံစည်နေတာလေ
ဒါဟာ အပြစ်မဟုတ်ဘူးလား "
VOCÊ ESTÁ LENDO
မျှော်ကာမှန်းရည်..အိမ်ပြန်လမ်းဆီ(Completed)
Ficção Históricaလွန်ခဲ့သောနှစ်ပေါင်း ၁၀၀၀ခန့်က လနတ်သမီး နှင့်အခြွေအရံများသည် ဤနှင်းတောင်တန်းသို့လာရောက်ပျော်မြူးကြရာ ထိုဒေသရှိနတ်ရေကန်မှရေကိုသောက်သုံးမိကြလေသည်။ ထိုနောက်.. နတ်ပြည်သို့ပြန်ရောက်ပြီးမကြာခင်ကိုယ်ဝန်ရှိကုန်ကြပါသတဲ့ ထို့ကြောင့် နတ်ပြည်မှတိတ်တဆိတ်ထွက်ခွ...
