ချီဟန် ချဉ်းကပ်လာတဲ့အခါ ရုန်ရှူရဲ့ ခန္ဓာကိုယ်သည် မသိစိတ်က တောင့်တင်းလာသည်။ သူ ဒီလူနဲ့ ထိတွေ့ ပြောဆိုခြင်း မပြုသင့်တာ ကို ရှင်းရှင်းလင်းလင်း သိသော်လည်း အချိန်တိုင်း သူ့ကို ဂရုမစိုက်ဘဲ မနေနိုင် ဖြစ်နေသည်။
ရုန်ရှူရဲ့ နှလုံးသား က သူ့စိတ်နဲ့ ဆန့်ကျင်ဘက်ဖြစ်နေသည်။ ကျန်းယောင်နင်း က ချီဟန်ဟာ သူ့ကို တွန်းချတယ်လို့ ပြောခဲ့တဲ့အတွက် မရေမရာ ဖြစ်နေတဲ့ မှတ်ဉာဏ်တွေ က ပိုရှင်းလင်းလာပြီး အဲဒီနေ့တုန်းက ချီဟန်ရဲ့ မျက်နှာပေါ်က အမူအရာကိုတောင် မှတ်မိနေသေးသည်။ .
သဘောကျနေတဲ့ အပြုံးမျိုး ပြုံးနေခဲ့တယ်။
သူ ကြိုက်တဲ့သူ က ဖန်းကျင်းလော်ပဲ။
အဲဒီ အကြောင်းကို သူ တွေးလိုက်မိတိုင်း ရုန်ရှူရဲ့ နှလုံးသားထဲ၌ ဆိုးသွမ်းတဲ့ အတွေးတွေ ထွက်ပေါ်လာသည်။
သူ့မျက်နှာ ကို အစိတ်စိတ် အမွှာမွှာ စုတ်ဖြဲပစ်လိုက်ချင်တယ်၊ ပြီးရင် တန်ဖိုးထားပြီးတော့ အကြောက်တရားကို နည်းနည်းချင်းစီ ဝါးမြိုခိုင်းရမယ်။
ဒါပေမယ့် သူ့အကြည့်တွေ က ချီဟန်ရဲ့ သန့်စင် ကြည်လင်တဲ့ မျက်လုံးတွေ ကို ကြည့်လိုက်တာနဲ့ အဲဒီအတွေးတွေ က သဲလွန်စတောင် မရှိတေ့ဘဲ ပျောက်ကွယ်သွားသည်။
နေရောင်အောက်မှာ အရည်ပျော်သွားတဲ့ နှင်းတွေလိုပဲ အညစ်အကြေးတွေ အားလုံး သန့်စင်သွားသည်။
ရုန်ရှူ က ချီဟန့် ကို သံသယဖြင့် ကြည့်လိုက်သည်၊ ဘာ့ကြောင့် သူ့မှာ ခွဲခြားလို့ မရတဲ့ ခံစားချက်တွေ အမြဲတမ်း ရှိနေရသနည်း ၊ သူ့အရှေ့ က လူသည် ထိုကဲ့သို့ သဘောကျတဲ့ အပြုံးကို ပြသနေတာ ကို မယုံနိုင်အောင် ဖြစ်ခဲ့ရသည်။
ချီဟန် က ထိုင်ခုံ ကို ဆွဲယူပြီး ရုန်ရှူရဲ့ ဘေးတွင်ထိုင်လိုက်သည်။ လက်ကိုဆန့်၍ မျက်လုံးတွေ အရှေ့တွင် ယမ်းပြီး ရယ်မောကာ
"မင်း ဘာလို့ မှင်သေသေ ဖြစ်နေတာလဲ?
ရုန်ရှူ က ခံစားချက်တွေ အားလုံးကို ဖုံးကွယ်ထားသည်။
YOU ARE READING
သနားစရာကောင်းတဲ့ မသန်စွမ်း ဗီလိန်ကြီးကို ကယ်တင်ခြင်း( ဘာသာပြန်)
RandomI Saved The Disabled Villain by Pretending to Be Pitiful Chapter 97 ချီဟန်ဟာ ညှင်းပန်း နှိပ်စက်ပြီး ခွေးသွေးဆန်တဲ့ ဝတ္ထုကို တစ်ညလုံး ဖတ်ခဲ့သည်။ နားလည်မှု လွဲမှားတာ တစ်ခုကြောင့် ဝတ္ထုထဲ က ဆန်ကုန်မြေလေး Gong က သူ့ရဲ့ အချစ်ဦး လရောင်ဖြူလေးနဲ့ က...