ပစ္စည်းတွေ စစ်ဆေးပြီးတဲ့အခါ ၈နာရီ ထိုးနေပြီဆိုတာ ရုန်ရှူ သိလိုက်ရပြီး လည်ပင်းကို နည်းနည်း လှုပ်လိုက်သည်။
ထိုအချိန်တွင် တံခါးကို ဖြည်းညှင်းစွာ ခေါက်သံ ထွက်လာသည်။
ထိုကဲ့သို့ တံခါးခေါက်သံ က သူ ကြားနေကျ ချီဟန်ရဲ့ တံခါးခေါက်သံ မဟုတ်ပေ။
"ဝင်ခဲ့ပါ"
ရုန်ရှူ ပစ္စည်းတွေ ကို အံဆွဲထဲ ထည့်ကာ wheelchairကို တံခါးဆီသို့ ထိန်းပြီး ရွှေ့လိုက်သည်။
အိမ်တော်ထိန်း က တံခါးကို တွန်းဖွင့်ပြီး "သခင်လေး ရုန်၊ ညစာ အဆင်သင့် ဖြစ်ပါပြီ" လို့ ပြုံးကာ ပြောလိုက်သည်။
ရုန်ရှူ က "အမ်း" ဟု ပြောကာ အောက်ထပ်သို့ ဆင်းသွားသည်။ ထို့နောက် ထိုင်စောင့်နေလေ့ရှိတဲ့ ချီဟန် ကို မတွေ့ရတော့ မျက်မှောင်ကြုတ်သွားသည်။
"ချီဟန် ဘယ်မှာလဲ?"
အိမ်တော်ထိန်း က သူ့ကို ပန်းကန်ခွက်ယောက်နဲ့ တစ်ရှူးတွေ ပြင်ဖို့ ကူညီပေးပြီး "သခင်လေးချီ အိမ်ပြန်သွားပါတယ်၊ ဒီည ညစာ စားပွဲ ရှိတယ်လေ" လို့ နွေးထွေးစွာ ပြောလိုက်သည်။
ရုန်ရှူ က တူကို မကိုင်ခဲ့ပေ။
"အိမ်ပြန်တာလား? ဘယ်အိမ်လဲ? ချီဟန် က မောင်းထုတ် ခံထားရတာ မဟုတ်ဘူးလား?"
အိမ်တော်ထိန်း က အံ့အားသင့်သွားသည်။
"ဟုတ်ပါတယ်... သခင်လေးချီက မောင်းထုတ်ခံခဲ့ရပေမယ့် နောက်ဆုံးတော့ သူတို့တွေ က သူ့ရဲ့ မိဘတွေမို့လို့ သူ့ကို ခေါ်ရင် ပြန်သွားကြည့်ရမှာပဲလေ၊ ဟုတ်တယ်မလား?"
ရုန်ရှူ က အေးစက်စွာ နှာခေါင်းရှုံ့လိုက်ပြီး၊ သူ့ဖုန်းကို ထုတ်ကာ ဖုန်းခေါ်လိုက်သည်။
'မင်း က အရင် မောင်းထုတ်လိုက်တာလေ၊ မောင်းထုတ်လိုက် ကတည်းက ဖုန်းဆက်ပြီး ပြန်ခေါ်နိုင်မယ်လို့ တွေးတောင် မတွေးလိုက်နဲ့'
မကြာခင်မှာပဲ ဖုန်းက ချိတ်ဆက်သွားပြီး ပတ်ဝန်းကျင် က ဆူညံသံ တချို့ထွက်လာကာ ချီဟန် နဲ့ တခြားတစ်ယောက် နာမည်ကို ယောင်ဝါးဝါး ကြားလိုက်ရသည်။
YOU ARE READING
သနားစရာကောင်းတဲ့ မသန်စွမ်း ဗီလိန်ကြီးကို ကယ်တင်ခြင်း( ဘာသာပြန်)
RandomI Saved The Disabled Villain by Pretending to Be Pitiful Chapter 97 ချီဟန်ဟာ ညှင်းပန်း နှိပ်စက်ပြီး ခွေးသွေးဆန်တဲ့ ဝတ္ထုကို တစ်ညလုံး ဖတ်ခဲ့သည်။ နားလည်မှု လွဲမှားတာ တစ်ခုကြောင့် ဝတ္ထုထဲ က ဆန်ကုန်မြေလေး Gong က သူ့ရဲ့ အချစ်ဦး လရောင်ဖြူလေးနဲ့ က...
