ချီဟန် နိုးလာတဲ့အခါ သူ့တစ်ကိုယ်လုံး နာကျင်ကိုက်ခဲနေသလို ခံစားနေရပြီး လက်ခြေတွေ ထုံကျင်နေသည်။
သူ့ခေါင်းကို လှုပ်လိုက်တဲ့ အချိန် သူ့ရဲ့ ခေါင်း က တစ်ခုခုကို ပွတ်လိုက်သလို ခံစားလိုက်ရသည်။
အပေါ်ကို မော့ကြည့်လိုက်တော့ ပြီးပြည့်စုံတဲ့ မေးစေ့တစ်ခု ပေါ်လာသည်။
'အဲဒါ ရုန်ရှူ ရဲ့...'
အချိန် အတော်ကြာအောင် အံ့အားသင့်သွားပြီးနောက် သူက တစ်ဖက်လူရဲ့ ရင်ခွင်ထဲမှာ တကယ်ကြီး လှဲနေကြောင်း ချီဟန် သိလိုက်ရသည်။
အဲဒါအပြင် သူ့ရဲ့လက် က ရုန်ရှူရဲ့ ခါးတစ်ဝိုက်မှာ တင်းကျပ်စွာ ဖက်ထားသေးတယ်။
ချီဟန် : "..."
သူ အရက်မူးတဲ့ အကြောင်းသာ ကြားဖူးသော်လည်း ဖျားနေတဲ့ အချိန် တစ်စုံတစ်ယောက်ရဲ့ ရင်ခွင်ထဲ လှိမ့်ဝင်သွားတာကို မတွေ့ဖူးပေ။
"...နိုးပြီလား?"
ချီဟန် တောင့်ခဲသွားသည်။ သူ့ရဲ့ လက်တွေကို ဖြည်းညှင်းစွာ မ,လိုက်ချိန်မှာပဲ ရုန်ရှူ က အိပ်ယာ ထကာစ အသံနဲ့ မေးလာပြီး သူ့ရဲ့ အသံက နည်းနည်း အက်ရှနေပြီး နှာသံ နည်းနည်း ပါနေသည်။
ချီဟန်တံတွေး မျိုချလိုက်ကာ သူ့ရဲ့ ကိုယ်အပူချိန် ပုံမှန် ဖြစ်သွားသော်လည်း ရုန်ရှူနဲ့ နီးစပ်နေတဲ့ အစိတ်အပိုင်းတွေ က ပူနေသည်။
"ငါတို့ နှစ်ယောက် က ဘယ်လိုလုပ်... တစ်ကုတင်တည်း အတူတူ အိပ်နေတာလဲ?"
ချီဟန်က ဘေးသို့ လှည့်၍ နှစ်ကြိမ်လောက် ရယ်မောကာ ရယ်သံ တစ်ဝက်တစ်ပျက်နဲ့ "ငါ အဖျားတက်ပြီး မင်းကို ဆွဲတင်ခဲ့တာလား?"
"အဲဒီလို ဖြစ်သွားတာလား? ရုတ်တရက်ဆိုတော့ ရှုပ်ထွေးနေတယ်"
သူတို့ နှစ်ယောက်ကြားမှာ နေရာကျယ်ကြီး တစ်ခု ခြားသွားသည်။
ရုန်ရှူ က ကုတင်ခေါင်းရင်းတွင် တစ်ဝက်ခန့် မှီနေပြီးသူ့ရဲ့ ညာဘက်လက် က ပွေ့ဖက်ထားတဲ့ အနေအထားကို ထိန်းထားဆဲဖြစ်ကာ ဗလာ ဖြစ်သွားတဲ့ ပွေ့ဖက်မှုကို ငုံ့ကြည့်လိုက်သည်။ သူံအသံက အက်ရှနေပြီး သူ့ရဲ့ ခံစားချက်တွေကို မခန့်မှန်းနိုင်တော့ပေ။
YOU ARE READING
သနားစရာကောင်းတဲ့ မသန်စွမ်း ဗီလိန်ကြီးကို ကယ်တင်ခြင်း( ဘာသာပြန်)
RandomI Saved The Disabled Villain by Pretending to Be Pitiful Chapter 97 ချီဟန်ဟာ ညှင်းပန်း နှိပ်စက်ပြီး ခွေးသွေးဆန်တဲ့ ဝတ္ထုကို တစ်ညလုံး ဖတ်ခဲ့သည်။ နားလည်မှု လွဲမှားတာ တစ်ခုကြောင့် ဝတ္ထုထဲ က ဆန်ကုန်မြေလေး Gong က သူ့ရဲ့ အချစ်ဦး လရောင်ဖြူလေးနဲ့ က...
