ရုန်ရှူ ကားကို ပျံတက်တော့မလို မောင်းလိုက်ပြီး စတီယာရင် ကို ကိုင်ထားတဲ့ သူ့လက် က ရေခဲတုံးကဲ့သို့ အေးစက်နေသည်။
ချီဟန် က သူ့ရဲ့ ပေါ့ဆမှုကြောင့် အန္တရာယ် ကျရောက်နေသည်။
ရုန်ရှူ က စတီယာရင် ကို ပြင်းပြင်းထန်ထန် ဆောင့်တွန်းလိုက်သည်။ တာယာတွေရဲ့ ပြင်းထန်စွာ ပွတ်တိုက်သံတွေ ထွက်ပေါ်လာပြီး ကားရဲ့ အရှေ့တစ်ဝက် က အမှိုက်ပုံထဲသို့ လျှောကျသွားသည်။
ရှေ့မှာ လမ်းမရှိတော့ပေ။
ကားပေါ်မှ ချက်ချင်း ဆင်းကာ မြက်ခင်းထဲသို့ ဝင်သွားသည်။ လူတစ်ဝက်ခန့် မြင့်တဲ့ မြက်ပင်တွေ က ရုန်ရှူ ကို လျင်မြန်စွာ ပျောက်ကွယ်သွားစေသည်။
၁၀မိနစ်လောက် ကြာတော့ စွန့်ပစ်ထားတဲ့ စက်ရုံကို ရုန်ရှူ ရှာတွေ့လိုက်သည်။ အနီရောင် နံရံ က ပြိုကျနေပြီး ပျက်စီးသွားခဲ့သည်။
လင်းနို့များတွေနဲ့ နံရံကို မှီရပ်နေသော တံခါးဝမှ လူနှစ်ဦးမှ လွဲ၍ အထဲတွင် တိတ်ဆိတ် ငြိမ်သက်နေသည်။ ထိုလူ ၂ယောက်ရဲ့ ပါးစပ်က အဆက်မပြတ် ဝါးနေပြီး တစ်ခါတစ်ရံ ပူဖောင်းမှုတ်နေကြသည်။
ရုန်ရှူ က မျက်လုံးတွေ ကို တစ်ဝက် မှေးလိုက်ကာ မြေပြင်မှ ကျောက်တုံး တစ်တုံးကို ကောက်ယူလိုက်သည်။ ကျောက်တုံးရဲ့ အလေးချိန်ကို ချိန်ကြည့်တော့ အရွယ်ရောက်ပြီးသား လူတစ်ယောက်ကို ထိတ်လန့်စေလောက်အောင် လေးသည်။
တံခါးနားက လူနှစ်ယောက်က စကားပြောနေကြတုန်း ဖြစ်သည်။ ရုတ်တရက်ကြီး လေပြင်းတိုက်သံ တစ်ချက်ကြားလိုက်ရပြီးနောက် လူတစ်ယောက် က မြေပြင်ပေါ် ချက်ချင်း လဲကျသွားသည်။
နောက် လူတစ်ယောက် : "!!!"
ထိုယောက်ျား က ချက်ချင်းပဲ သူ့ရဲ့ ဘေ့စ်ဘော ရိုက်တဲ့တုတ် ကို မြှောက်လိုက်ပြီး ထိတ်လန့်တကြားနဲ့ အနောက်ကို ကြည့်ကာ
"ဘယ်သူလဲ၊ ထွက်လာစမ်း။ ငါတို့ရဲ့ သူဌေးက ဘယ်သူလဲ သိရဲ့လား?"
ရုန်ရှူ က မြက်ခင်းပြင်မှ ဖြည်းညှင်းစွာ မတ်တပ် ထရပ်လိုက်ပြီး အပေါ်ကုတ် အင်္ကျီကို ချွတ်ကာ အင်္ကျီလက်တွေ ကို လိပ်တင်လိုက်သည်။
YOU ARE READING
သနားစရာကောင်းတဲ့ မသန်စွမ်း ဗီလိန်ကြီးကို ကယ်တင်ခြင်း( ဘာသာပြန်)
RandomI Saved The Disabled Villain by Pretending to Be Pitiful Chapter 97 ချီဟန်ဟာ ညှင်းပန်း နှိပ်စက်ပြီး ခွေးသွေးဆန်တဲ့ ဝတ္ထုကို တစ်ညလုံး ဖတ်ခဲ့သည်။ နားလည်မှု လွဲမှားတာ တစ်ခုကြောင့် ဝတ္ထုထဲ က ဆန်ကုန်မြေလေး Gong က သူ့ရဲ့ အချစ်ဦး လရောင်ဖြူလေးနဲ့ က...