Unicode~
"သူဌေးမင်းJeonကို ခုနက မျှော်နေကြတာ။ ဒီကို တောက်လျှောက်လာမယ်လို့ မထင်ထားဘူးလေ"
"အရေးကြီးကိစ္စရှိနေလို့"
ကြယ်သီးမတပ်ထားသော ကုတ်အင်္ကျီကို ခါလိုက်ပြီး သတ်မှတ်ထားသော နေရာမှာ ဝင်ထိုင်ရသည်။ မြင်းပြိုင်ပွဲက နေဝင်ရီတရောမှာ ကျင်းပတာဖြစ်ပြီး မကြာခင်မှာ ပြိုင်ပွဲဝင်များက အသင့်နေရာယူကြတော့မည်။
တာဝန်အရလာရသည်ဖြစ်၍ JungKook မျက်နှာက သုန်သုန်မှုန်မှုန်။ သူ့အတွက်သီးသန့်ချထားပေးသော ဝီစကီတစ်ခွက်ကို အသာယူသောက်လိုက်သည်။ ညနေခင်းနှင့် ဝီစကီက လိုက်ဖက်မယောင်ယောင်နှင့် ဆန့်ကျင်ဘက်ဆန်သည်။
"ဒီပွဲက ဗိုလ်လုပွဲနော်။ ပွဲကြီးပွဲကောင်းပဲ။ ဒီတစ်ခေါက် ဆိုဗီယက်က လူသစ်လေးဆိုလား"
ဘေးနားက လူကြီးက သူ့အနားကို ကပ်ပြောသည်။ သူက မျက်မှောင်ကြုတ်ထားဆဲ။ တစ်လောကလုံးက သူ့ခြေဖဝါးအောက်ရှိနေသော အကြည့်ဖြင့် မြင်းပြေးလမ်းကို ခြုံကြည့်သည်။
ကျန်တဲ့အားကစားနည်းတွေ သူသိပ်မသိသော်လည်း မြင်းစီးအားကစားကိုတော့ အင်မတန်သဘောခွေ့မိသည်။ သူကိုယ်တိုင်လည်း မြင်းစီးကလပ်၏ အရေးကြီးပုဂ္ဂိုလ်ဖြစ်ပြီး အလုပ်အားရက်တွေ ဒါမှမဟုတ် စိတ်ဖိစီးရတဲ့နေ့တွေဆို ကလပ်ထဲလာနေကျ။
"ဘယ်တစ်ယောက်လဲ ကျုပ်တို့အမေရိကန်က"
"ဒုတိယပြေးလမ်းကြောင်းက လူငယ်လေးလေ"
ထိုလူကြီးညွှန်ပြရာကို သေချာကြည့်သည်။ ဟုတ်တာပေါ့..မြင်းစီးသမားလေးက ခါးမှာ အမေရိကန်ပြည်ထောင်စုအလံကို ချည်နှောင်ထားတာပဲ။ ပထမပြေးလမ်းမှာတော့ ဆိုဗီယက်ပြည်ထောင်စုအလံကို အလားတူစွာ ချည်နှောင်ထားတဲ့ကောင်လေး။
ထိုကောင်လေးက သူတို့လူနှင့်ယှဥ်တော့ သိသိသာသာသေးညှက်သည်။ လူသစ်လေးဆိုတာ ထင်ပါရဲ့.. သိပ်ပြီးတော့ အထင်တကြီးစောင့်ကြည့်စရာတော့ ရှိမနေ။
"ဆိုဗီယက်ကောင်လေးက တော်တော်ကောင်းတယ်ပြောတယ်။ လူသစ်ဆိုပေမဲ့ မော်စကိုမှာတော့ စံချိန်ချိုးထားပြီးသားတဲ့"
YOU ARE READING
𝒀𝐞𝐬 𝒕𝐨 𝑯𝐞𝐚𝐯𝐞𝐧
FanfictionCold war? Funny how it cannot be as cold as your feeling to me. Knowing that you're by my side, you're hella abstract after all. Countless times of being an escapee, you never feel sick of it. There's no way I can feel relieved whether you are with...
