Unicode~
Antonတို့ မြင်းကလပ်ထဲဝင်သွားတော့ Antonက အဆင်သင့်ရှိနေသည်။ ထို့ကြောင့် ဧည့်ကြိုတွေကို ရှည်ရှည်ဝေးဝေးပင်မပြောလိုက်ရ။
တွေ့တွေ့ချင်းပဲ Antonက သူ့ကို ဖော်ဖော်ရွေရွေနှုတ်ဆက်ရှာပါသည်။ ဖက်လှဲတကင်းဖြစ်လွန်းတော့ သူတောင် ခပ်ကြောင်ကြောင် ဖြစ်သွားမိပါရဲ့။
"ခင်ဗျားမနေ့ကလာတယ်ဆို Taehyung. ကျွန်တော်က ခင်ဗျားပြန်လာမလားလို့ မျှော်နေတာ။ အခုလည်း ခင်ဗျားလာလိုလာငြားဆိုပြီး ထိုင်စောင့်နေမိတာ၊ တော်သေးတာပေါ့"
"လာချင်ပေမဲ့ အဲ့လိုပဲဖြစ်သွားတယ်။ ငါ့ဘက်က ကိစ္စလေးတွေ နည်းနည်းရှုပ်သွားလို့"
"သူဌေးမင်းJeonလိုက်လာပြီး ခေါ်လို့မလား"
"မင်းဘယ်လိုသိသလဲ Anton"
မယုံနိုင်စွာဖြင့် မေးခွန်းထုတ်လိုက်မိသည်။ သူတို့ကြားက ဆက်ဆံရေးအကြောင်း အိမ်အကူနှင့် အနီးကပ်သက်တော်စောင့်အနည်းငယ်ကလွဲလို့ ဘယ်သူမှသိတာမဟုတ်။ သူမင်္ဂလာပွဲက ထွက်ပြေးလာမှသာ မြို့သူမြို့သားတွေ ရိပ်မိသလောက်ရှိမှာ။
"ကျွန်တော် ခင်ဗျားနေတဲ့အိမ်ကို လာခဲ့သေးတယ်"
"ဘယ်တုန်းကလဲ"
"တမြန်နေ့လောက်က ဖြစ်မလား။ လူဝီဗီးလ်နဲ့မော်စကိုက အချိန်တွေမတူတော့ ရက်ကိုမတွက်တတ်တော့ဘူး"
သူ့လက်ထပ်ပွဲနေ့များ ဖြစ်နေမလား။ တစ်လောကလုံးက လူတွေ လက်ထပ်ပွဲအကြောင်း သိသွားကြတယ်ဆိုရင်တောင် ထိုအထဲမှာ Antonကို မပါစေချင်။ Antonကို သူသဘောကျသလို သူ့ကို ပြန်သဘောကျဖို့လည်း မျှော်လင့်ထားသည်။ ထိုလမ်းကြောင်းမှာ Jeon JungKookနှင့် ပတ်သက်သမျှ ကျွန်းတွေ မရှိစေလိုပါ။
"လက်ထပ်ပွဲကနေ ထွက်ပြေးသွားတယ်လို့ကြားတယ်။ ကျွန်တော်က အဲ့ဒီကိစ္စတွေကို မသိလို့ ခင်ဗျားအိမ်လိုက်လာတာ။ လိုက်လာမိတာတောင် နောင်တရတယ်ဗျာ.."
Antonအမြင်မှာ ကိုယ်က တစ်ခုလပ်လုံးလုံးဖြစ်သွားလေပြီလား။ ဒါက အမှတ်လျော့ချင်စရာ ကိစ္စ။
သို့သော် Antonထပ်ပြောသည့်စကားကြောင့် သူအထင်မှားနေတာမှန်း သိလိုက်သလို တစ်ချိန်တည်းမှာပင် အံ့ဩတသဖြစ်ခြင်း၊ ထိတ်လန့်တုန်လှုပ်ခြင်းနှင့် ဒေါသတို့ကိုယ်စီဟာ စိတ်ထဲနေရာယူထားလျက်သား။
YOU ARE READING
𝒀𝐞𝐬 𝒕𝐨 𝑯𝐞𝐚𝐯𝐞𝐧
FanfictionCold war? Funny how it cannot be as cold as your feeling to me. Knowing that you're by my side, you're hella abstract after all. Countless times of being an escapee, you never feel sick of it. There's no way I can feel relieved whether you are with...
