Unicode~
လူတစ်ယောက်၏ ပျက်စီးခြင်းသတင်းအစအနကိုရပြီး ဤမျှကျေနပ်နိုင်လိမ့်မည်ဟု သူ့ကိုယ်သူမထင်မိခဲ့။
မော်စကိုမြို့တော် လမ်းဘေးကြိုးဖုန်းလေးမှတစ်ဆင့် သူတို့အိမ်ဖုန်းကို ဆက်သွယ်လာသောအခါ ကြားလိုက်ရသည့်သတင်းက သူ့ကို နှစ်ထောင်းအားရဖြစ်စေသည်။
Anton၏ ခြေထောက် ဒူးဆစ်မှစ၍ ဖြတ်လိုက်ရသည်ဟူသော သတင်းကြောင့် သက်တော်စောင့်တွေကိုလည်း ကောင်းကောင်းချီးကျူးပေးလိုက်သည်။ Antonက သည်လိုနဲ့ပဲ တန်သည်။ ကိုယ် သူ့အပေါ် ကောင်းခဲ့ဖူးတာတွေကိုမှ မျက်နှာမထောက် လုပ်ရက်လေခြင်း။ ကိုယ့်ကိုလှည့်စားလိမ်ညာသည့်အပြင် စီးပွားရေးအထိပါ အနှောင့်အယှက်ပေးသွားတာကိုတော့ ဘယ်နည်းနဲ့မှ လက်ခံနိုင်စရာမရှိ။
သည်လိုကျပြန်တော့လည်း ရက်စက်ရတာက အရသာရှိနေပြန်ရော။
"ဘာတဲ့လဲ။ တွေ့ပြီတဲ့လား"
"အင်း.. မနေ့ညက တွေ့တယ်တဲ့။ သည်မနက်ကပဲ ခြေထောက်ဖြတ်လိုက်ရတယ်လို့ကြားတယ်"
"မကြောက်ဘူးလား။ မင်းကိုအမှုပတ်လာမယ်နော်"
အမှုပတ်ခံရလောက်အောင် Jeon JungKookက လွတ်ထားမှာမှမဟုတ်။ သိသိရက်နဲ့ လာမေးနေတော့ မျက်စောင်းထိုးလိုက်သည်။
ယောကျ်ားဆန်ဆန် ရယ်သံတစ်မျိုး ထွက်လာပြီး ရှေ့သွားခပ်ကြီးကြီးရယ်၊ ပုလဲလုံးကဲ့သို့ သွားဖြူဖြူတွေရယ်.. အစီအစဥ်တကျ ပေါ်လာသည်။ လတ်တလောမှာ သူ့စကားသူ့အပြုံးတွေကြောင့် Jeon JungKook မကြာခဏပြုံးနေတာ မြင်ရတော့ သူကျေနပ်နေမိတာ အမှန်။
လူတစ်ယောက်၏ ပျော်ရွှင်မှုဟာ ကိုယ့်ပျော်ရွှင်မှုဖြစ်လာသည့်အခါ ကိုယ့်ပျော်ရွှင်မှုတွေက နှစ်ဆတိုးပွားလာပါသည်။ သင်္ချာဘာသာရပ်အားဖြင့် သက်သေပြလို့မရသေးသည့်တိုင် ငြင်းဆိုမရသော သီအိုရီတစ်ခုဖြစ်ကြောင်းတော့ လက်ခံရပေမည်။
"မကြောက်ပါဘူး။ ထောင်ကျရင်လည်း ခင်ဗျားက ပြန်ထုတ်ပေးမှာပဲ ဟုတ်တယ်မလား"
YOU ARE READING
𝒀𝐞𝐬 𝒕𝐨 𝑯𝐞𝐚𝐯𝐞𝐧
FanfictionCold war? Funny how it cannot be as cold as your feeling to me. Knowing that you're by my side, you're hella abstract after all. Countless times of being an escapee, you never feel sick of it. There's no way I can feel relieved whether you are with...
