''အစ်မ တကယ်မလိုက်တော့ဘူးလား"''အေးပါဆိုဟယ်"
''မလိုက်ဘူးဆို သွားတော့မယ်၊
အနူးလာ...ရှေ့ကလာထိုင်"''ဟုတ်ကဲ့"
ကျောင်းဖွင့်ရက်မို့ ကြည်နူးကိုကျောင်းလိုက်ဖို့ရာ
အစ်မကိုခေါ်တော့ ထူးထူးဆန်းဆန်းအစ်မကငြင်းလေသည်။
ကြည်နူးကတော့ သူ့ဦးလေးပြောတဲ့အတိုင်း
နေရာယူပြီးနေပြီ။''ဆိုင်ကယ်စီးရင် အေးပါဘိနဲ့၊
အင်္ကျီလက်ရှည်က ဘယ်တော့မှမဝတ်ဘူး"အိမ်အောက်မှာ အမေနဲ့အတူထိုင်နေတဲ့မမက
ချမ်းမြေ့ကြားအောင်ပြောလာသည်။
ဒီနေ့က မြူတွေဆိုင်းနေသဖြင့်မနက်8နာရီခွဲပြီးသည့်တိုင်
အအေးဓာတ်ရှိဆဲမို့ ချမ်းမြေ့ကလွဲရင်
တစ်မိသားစုလုံး အနွေးထည်မချွတ်ကျသေး။''ကိုယ့်ကိုယ်ကိုယ်သာဂရုစိုက်စမ်းပါ ငါ့အစ်မရယ်၊
လူကဖြင့်နေကောင်းတာလည်းမဟုတ်ဘဲ
စောင်ထဲမကွေးဘဲ အိမ်အောက်ထိုင်နေရလား"''မထိုင်နိုင်လောက်အောင်
နေမကောင်းတာမှမဟုတ်ဘဲဟယ်၊
လူမမာလို မနေချင်ပါဘူး"မနေ့ကမြို့ကပြန်ရောက်ရောက်ချင်း
ရေချိုးလိုက်၍ ရွှင်လန်းနေသိပ်မကောင်း။
ဆေးကြိုသောက်ပြီးအိပ်တာတောင် တစ်ညလုံး
အဖျားတက်၍ ကြည်နူးပင်ချမ်းမြေ့နဲ့အတူအိပ်ရ၏။
မနက်ကမှ ကုက္ကိုကုန်းသွားပြီးဆေးနှစ်လုံးထိုးလိုက်၍သာ
ခုလိုခေါင်းထောင်နိုင်နေခြင်းပင်။''ခဏနေရင်တော့ ဆန်ပြုတ်သောက်ရမှာနော်၊
သမီးညီမကြက်ဥဆန်ပြုတ်ပြုတ်ထားတယ်၊
စားပြီးရင် ဆေးသောက်ပြီးစောင်ထဲကွေးလိုက်ဦး၊
ချွေးထွက်အောင်မို့"''ဟုတ်ပါပြီ အမေရယ်"
''ဒါဆို အနူးကိုကျောင်းလိုက်ပို့လိုက်ဦးမယ်"
''အေး...အေး ဆိုင်ကယ်ကိုသေချာလည်းမောင်းသွားအုံး၊
လမ်းတွေကကောင်းတာမဟုတ်ဘူး"နေ့စဥ်မှာကြားနေကျစကားတွေဖြစ်၍
ချမ်းမြေ့ပင်အလွတ်ရနေပြီ။
သို့သော်လည်း ကလန်ကဆန်မလုပ်ဘဲ
စိတ်မချဖြစ်နေရှာတဲ့အမေ့ကိုခေါင်းညိတ်ပြရင်း
အနူးကိုသေချာနေရာချကာ ရွာကျောင်းဆီသို့
ဦးတည်ကာ မောင်းထွက်လာခဲ့တော့သည်။
KAMU SEDANG MEMBACA
ချစ်သူ၏လက်အစုံဖြင့် ထွေးပွေ့လှည့်ပါ (COMPLETED)
RomansaMyanmar Boyslove Own Creation Village Unicode & Zawgyi