ချစ်သူ၏လက်အစုံဖြင့် ထွေးပွေ့လှည့်ပါ (COMPLETED)

အပိုင်း [၁၅]

ရှင်းမြတ်ဒီပါအသက် (၁၆)နှစ်မှာ
ချမ်းမြေ့က၉နှစ်ရှိပြီ။
ဆယ်တန်းကျောင်းသား ရှင်းမြတ်က
ကောလင်းကဘော်ဒါဆောင်မှာကျောင်းတက်နေရပြီမို့
အရင်လို ချမ်းမြေ့နဲ့သိပ်မတွေ့ရတော့။
နှစ်စမှာတော့ အခါကြီးရက်ကြီးတွေကျောင်းပိတ်လို့
ရွာပြန်လာရင်တောင် အိမ်တွင်းပုန်းလေး
ချမ်းမြေ့နဲ့မတွေ့ရပေ။

ချမ်းမြေ့နဲ့မတွေ့ရတဲ့နေ့ရက်တွေမှာ
ရှင်းမြတ်ဒီပါ တမှိုမှိုင်တတွေတွေနဲ့မို့
အမေကပင် ရည်စားပူမိနေတာလားဟူ၍
မကြာခဏစနောက်တတ်သည်။
အေဖကေတာ့ သူ့အကျင့်အတိုင်းဂရုမစိုက်သလို။

ထိုအချိန်တွေကတည်းက ချမ်းမြေ့အပေါ်
ရှင်းမြတ်ဒီပါရဲ့ချစ်ခင်တွယ်တာမှုတွေက
ညီအရင်းထက်ပင် သာလွန်ခဲ့သည်။
တီတီတာတာချွဲနွှဲ့တတ်တဲ့လင်းထက်ဒီပါထက်
အေးစက်တဲ့ချမ်းမြေ့က သူ့အတွက်ချစ်မဝလေးလို။

ကျောင်းပိတ်ရက်မို့ရွာပြန်လာတဲ့နေ့တွေမှာ
ရွာပြင်ကချမ်းမြေ့တို့အိမ်ဆီခိုးသွားဖို့
ရှင်းမြတ်ခဏခဏကြံစည်ခဲ့ပေမဲ့
အမေနဲ့အမြဲတိုးခဲ့၍ ချစ်မဝလေးကိုတွေ့ဖို့ရန်
ခွင့်မသာခဲ့ချေ။

အေမက ရှင်းမြတ် ချမ်းမြေ့နဲ့ခင်မင်တာကို
လုံးဝမကြိုက်။
မကောင်းတဲ့အကျင့်တွေကူးလိမ့်မယ်ဟု
အမြဲလိုလိုပြောတတ်သည်။
သားလိမ္မာလေးရှင်းမြတ်ဒီပါက ချမ်းမြေ့ကို
အမေကပြစ်တင်စကားဆိုရင် လုံးဝသေဘာမက်။
ဒါကြောင့်ပင် အမေ့ကိုတစ်ခါတလေပြန်ခံပြောမိ၏။
သေချာပေါက် ဆဲဆိုခံရတာပေါ့။

တစ်ခါ သီတင်းကျွတ်ပိတ်ရက်မို့
ရှင်းမြတ်ရွာပြန်ခဲ့သည်။
ဒီတစ်ခါတော့ ချစ်မဝလေးကို
မဖြစ်မနေသွားတွေ့ရမယ်ဟုလည်း သူတွေးထားသည်။
ရွာပြန်ရောက်သည့်နေ့မှာပင် သတင်းဆိုးကြားရသည်။
ချမ်းမြေ့အဖေ ပိုးထိလို့ဆုံးသွားပြီဆိုတဲ့သတင်းက
သူ့ရင်ကိုမီးမြိုက်သလို အရမ်းပူလောင်သည်။

သူ့အကြောင်းကိုအလုံးစုံသိတဲ့အမေက
နေ့တွင်းချင်းပင် ကောလင်းသို့မရမကပြန်ပို့၏။
သူအမေ့ခြေထောက်ဖက်ကာငိုယိုတောင်းပန်ခဲ့တောတောင်
အမေက မျက်နှာသာမပေးခဲ့ချေ။