''ညီမလေး မမ အလေးခဏသွားလိုက်ဦးမယ်"
''သွားလေ မမ"
ထွက်သွားတဲ့ရွှင်လန်းကျောပြင်ကို
ပျော်ရွှင်ကတစ်ချက်သာကြည့်ရင်း သူ့အလုပ်ပြန်လုပ်နေ၏။
မင်္ဂလာအိမ်ဖြစ်၍ အသံတွေဆူညံနေပြီး
sound boxမှထွက်လာတဲ့မင်္ဂလာသီချင်းတွေကလည်း
မြိုင်မြိုင်ဆိုင်ဆိုင်။ပျော်ရွှင်က အခုမင်္ဂလာအိမ်ရဲ့အနောက်အိမ်
ထမင်းဟင်းဝိုင်းချက်နေကြတဲ့နေရာမှာ။
မင်္ဂလာအိမ်မှာတော့ မဏ္ဍုပ်ဆောက်နေကြတဲ့
ယောက်ျားသားတွေအသံကသီချင်းသံနှင့်အပြိုင်အဆိုင်။ပျော်ရွှင်တို့ညီအစ်မနှစ်ယောက်အပြင်
တစ်ခြားလာဝိုင်းကူတဲ့မိန်းမကြီးတွေလည်းအများသားမို့
အဖော်ရပေ၏။
တစ်ချို့တွေကတော့ မခေါ်ရင်မကောင်းတတ်တာမို့
တစ်ခွန်းစနှစ်ခွန်းစသာ စကားဆိုလာကြသည်။''မ''
ရင်းနှီးနေပြီဖြစ်တဲ့အသံကြောင့်
ပျော်ရွှင်လှည့်ကြည့်လိုက်တော့ ခပ်ပြုံးပြုံးမျက်နှာထားနဲ့
လင်းထက်ဒီပါ။အနီးနားကရွာသားတွေက ပျော်ရွှင်နှင့်လင်းထက်ကို
မသိမသာကြည့်ကာ ဘာတွေလဲဟူသောသဘောဖြင့်
အကဲခတ်နေကြ၏။လူအများရဲ့အကြည့်စူးစူးဒဏ်တွေကို
မခံနိုင်ရာ ပျော်ရွှင်ကလင်းထက်ဒီပါကိုမသိသလို
သဘောထားကာ လျစ်လျူရှုလိုက်သည်။''မ ဒီနေ့အရမ်းလှတာပဲ"
အများကကြည့်နေတာကိုသိပါလျက်
လင်းထက်ဒီပါက ပျော်ရွှင့်အနားတိုးကာဆိုလေသည်။
ထိုစကားကိုစိတ်ပါလို့ဆိုသလားမသိနိုင်ပေမဲ့
ပျော်ရွှင်လှတာတော့အစ်အမှန်သာ။ဆံပင်ကိုတစ်ပတ်ရှိုထုံးထားကာ
နှင်းဆီနီတစ်ပွင့်ပန်ထားပြီး ဇာအင်္ကျီဖြူကို
ပန်းပွင့်နီတွေရောစပ်ထားသည့်ထဘီဖြူနှင့်ဖက်စပ်ဝတ်ထားသည်က ရင်သပ်ရှုမောစရာ။''မ မောင့်ကိုအဖြေမပေးသေးဘူးလား"
ရှက်ရွံ့စိတ်ကြောင့် ပျော်ရွှင့်မျက်နှာရဲတက်လာ၏။
လင်းထက်ဒီပါ၏ပိုင်စိုးပိုင်နင်းအသုံးအနှုန်းကြောင့်
မဟုတ်ပေ။အများသူငှာနားစွင့်နေမှန်းသိလျက်
ရဲတင်းလွန်းတဲ့သူကို ပျော်ရွှင်ပေးထားတဲ့အမှတ်တွေ
နှုတ်လိုက်ပြီ။သူမရဲ့အရှက်သိက္ခာကိုဂရုမစိုက်တဲ့
ကောင်လေးက သူမကိုချစ်မြတ်နိုးဖို့ရာလုံးဝမဖြစ်နိုင်။
YOU ARE READING
ချစ်သူ၏လက်အစုံဖြင့် ထွေးပွေ့လှည့်ပါ (COMPLETED)
RomanceMyanmar Boyslove Own Creation Village Unicode & Zawgyi