friEND(COMPLETED)

ကျေးဇူးတင်လွှာ

Unicode

Series ရဲ့ နောက်ဆုံးသော ဇာတ်လမ်းဖြစ်တဲ့ friENDကတော့ ဒီနေ့ပဲ ပြီးဆုံးသွားပါပြီ။

ကတမ် ခုရက်ပိုင်း အိပ်ရေးပျက်တာတွေများတာရယ်၊ ဖိအားတွေ အလုပ်တွေများနေတာရယ်ကြောင့် ပျက်ကွက်ခဲ့တာတွေများပေမဲ့ ခုလိုမျိုး ဆုံးခန်းတိုင်အောင်ရေးနိုင်ဖို့အတွက် အားပေးခဲ့ကြတဲ့ စာဖတ်သူတစ်ယောက်ချင်းစီကို ကျေးဇူးတင်တဲ့အကြောင်း အရင်ပြောချင်ပါတယ်။

ဒီဇာတ်လမ်းလေးက လူငယ်ဇာတ်လမ်းလေးဖြစ်တဲ့အပြင် နေ့စဉ်လူမှုဘဝမှာ ကြုံတွေ့နေရတဲ့ အခက်ခဲလေးတွေကို တတ်နိုင်သမျှ အဖြစ်နိုင်ဆုံးထောင့်ကနေ ကြည့်ပြီး ရေးထားတာကြောင့် စိတ်ကူးယဉ်ဆန်ပြီး ပျော်ရွှင်စရာတွေများမနေရင်တောင် ရင်ထဲမှာနွေးထွေးသွားတယ်လို့ ခံစားရရင်ပဲ ကတမ်က တကယ်ရေးရကျိုးနပ်တာပါပဲ။

နောက်တစ်ခု ဒီဇာတ်လမ်းရေးရင်း ကတမ်ဆီမှာပြောင်းလဲသွားတာက ကိုယ်ရေးနေတဲ့ဇာတ်လမ်းကို ဘယ်လိုပဲဖြစ်ဖြစ် ကိုယ်ဆုံးဖြတ်ထားတဲ့တိုင်း ရေးမယ်ဆိုတဲ့ သတ္တိတွေများလာတာပါ။ ဘယ်လိုသိမ်းပေးပါ၊ ဘယ်လိုလုပ်ပေးပါဆိုတဲ့ စာရေးသူတွေဆီက စာတွေကို ကောင်းကောင်းကြီး လက်ခံရရှိခဲ့သလို အဲ့ဒီတစ်ခုချင်းစီအတွက် ကျေးဇူးတင်တဲ့အကြောင်းကိုတော့ ဒီမှာ အရင်ပြောပါရစေ။ သို့သော် စာရေးတဲ့အခါ စာရေးသူတစ်ယောက် ရင်ဆိုင်ရအခက်ဆုံး အခက်ခဲဟာ စာဖတ်သူ စိတ်တိုင်းကျရေးရင်း ကိုယ်လုပ်ထားတဲ့ ၊ ဖန်တီးထားတဲ့ စာအပေါ်နှာ ပျော်တယ်လို့ မခံစားရတော့တာပါ။ ဒါက နှစ်ဦးနှစ်ဖက် ဘယ်သူမှ မှားတယ်တော့ မရှိဘူ‌းပေါ့။

အမှန်တော့ ကတမ် ဒီဇာတ်လမ်းလေးကို ကိုယ့် Flowလေးနဲ့ကိုယ် ရေးခွင့်ရလို့ တော်တော်လေးကျေနပ်ပြီး ယုံကြည်ချက်လေးပိုရလာတဲ့အကြောင်း ကြွားချင်လို့ပါ။

မတိုင်ခင်ကတည်းက အချစ်ခံနေရတဲ့ နေချို၊ ကလေးဘဝရဲ့ မရောင့်ရဲမှုတွေကြားက ခွန်းနစ်၊ မှားယွင်းတဲ့ သွန်သင်ဆုံးမမှုတွေ၊ ယဉ်ကျေးမှုတွေကြားက မိဘတွေရဲ့ ပင်ပန်းမှုတွေ၊ မောင်နှမတွေကြားက သေးမလိုလိုနဲ့ စိတ်ဒဏ်ရာဖြစ်သွားနိုင်တဲ့ ဆက်ဆံရေး...ဒီဇာတ်လမ်းက အရင်ဇာတ်လမ်းတွေလို နေရာ၊ဒေသ၊ ဇာတ်အိမ် အကြီးကြီးတွေအစား Society မှာဖြစ်ပျက်နေတဲ့ အကြောင်းအရာ တစ်ခုချင်းစီကို ဇာတ်ကောင်တွေတဲ့ တစ်ဖက်သတ်အမြင်တွေနဲ့ ရေးထားတဲ့အတွက် ဒီဟာက လုံးဝအမှန်လို့တော့ ပြောလို့မရပါ ဘူး။ ဘာကြောင့်ဆိုတော့ ဇာတ်ကောင်ရဲ့ ရှုထောင့်ကနေရေးထားတဲ့အခါ အတ္တဆိုတာပါလာတတ်လို့ပါပဲ။