人鱼陷落
REN YU XIAN LUOUNICODE
"ငြိမ်ငြိမ်နေ။"
ပိုင်ချူနျန်လည်း ဘာကြောင့်ရယ်မသိ ၊ ပုံမှန်ဆိုလွယ်လွယ်စိတ်မရှည်အဖြစ်ဆုံးကိုယ်က ဒီငါးရဲ့အထာတွေကိုတော့ဖြင့် အလွန်ကိုစိတ်ရှည်သည်းခံပေးနေလျက်ရှိသည်။
"နာနေသေးလား။"
လန်ပေါ၏လျော့ရဲနေသည့်နက်ကတိုင်အား သူပြန်လို့စည်းပေးလိုက်သည်။ အကြည့်တို့က လန်ပေါကိုယ်အောက်ပိုင်းက ဆူးတောင်ရေယက်ထံရောက်သွားခဲ့၏။ အထဲ၌ပိုးသတ်သည့်ဂွမ်းတို့ထည့်ထားခြင်းဖြစ်လောက်၍ ဆူးတောင်ရေယက်မှာ သဘာဝမကျစွာအနည်းငယ်ခုံးထွက်နေလေသည်။
"em. . . . . ."
လန်ပေါက သူ့ရေယက်အားခန္ဓာကိုယ်နှင့်ကပ်နေအောင် ဖိထားလိုက်၏။ ထိုသူ့မျက်နှာထက်က နာကျင်မှုကိုတင်းခံနေပုံကြောင့် ဒဏ်ရာကအရှင်းမပျောက်သေးမှန်းသိသာလှသည်။ သို့တိုင်ထိုသူမပြောလာသဖြင့် ပိုင်ချူနျန်ကလည်း အရင်ကလိုသူ့ရေယက်ကိုဇွတ်လှန်ပြီး သူအနေရခက်အရှက်ရစေအောင်မလုပ်မိတော့။
ဒီဒဏ်ရာကဘယ်လို့ရလာတာလဲဆိုပြီးလည်း သူထပ်ပြီးဇွတ်အတင်းမမေးချင်တော့ပါ ၊ လန်ပေါရဲ့ အနေရခက်အရှက်ရစေသည့်ပုံစံက အနည်းငယ်ရင်နာစရာကောင်းလှပါ၏။
"ဒီနေ့ပဲအလုပ်သွားတော့မှာပေါ့ ဘယ်လိုသွားမှာလဲ ၊ ကိုယ်ကားမောင်းပြီးလိုက်ပို့ပေးမယ်လေ။"
လန်ပေါက တဖန်အိတ်ကပ်ထဲမှနေ ဥက္ကဌချန်ထားရစ်သည့်စာအားထုတ်ကာ သူ့ကိုပြလာပြန်သည်။ စာရွက်ထက်၌မူ -
"မင်းရဲ့ကားဂိုထောင်ကိုငါပိတ်ထားလိုက်ပြီ ၊ ဒီရက်ပိုင်းထဲ ပေါ်ပေါ်ထင်ထင်မနေနဲ့ ငါဖြေရှင်းပြီးတဲ့ထိစောင့်။"
". . . . . .ကျစ် ၊ ဒီလိုဆိုလည်းမင်းကိုတက္ကစီနဲ့လိုက်ပို့ပေးမယ်။"
ပိုင်ချူနျန်ခမျာ ဆဲမိတော့မည့်စကားပင်တစ်ခွန်းမှမထွက်လာရသေး လန်ပေါကတတိယမြောက်စာရွက်အား ထုတ်လာပြန်သည် ၊ ထိုအထက်ရေးထားသည်မှာ -
"မင်းရဲ့အသုံးစရိတ်ဘဏ်အကောင့်တွေအကုန်လုံးကိုလည်း ငါပိတ်ထားပြီးပြီ ၊ အကြောင်းပြချက်ကတော့ အပေါ်ကအတိုင်းပဲ။"
YOU ARE READING
Ren Yu Xian Luo (ဘာသာပြန်)
ActionAuthor - 麟潜 (Lin Qian). Bai Chu Nian x Lan Bo 白楚年×兰波 Original Title - 人鱼陷落 / ရန်ယွီရှန့်လော့ Eng Title - The Fallen Merman / Preference of Poseidon 🧜♂️ ♦️|Myanmar Translation| Source - gongzicp