人鱼陷落
REN YU XIAN LUOUNICODE
ပိုင်ချူနျန်လက်တစ်ဖက်ကို အိတ်ကပ်ထဲထည့်ကာ သေနတ်ကိုပခုံးပေါ်တင်လျက်မြင့်မားသောတယ်လီဖုန်းတိုင်ထိပ်မှ ခုန်ချပြီး လန်ပေါအနားသို့ဆင်းလာလိုက်သည်။
လန်ပေါသည် ဦးခေါင်းအပစ်ခံရသော ကြေးစားသမားအလောင်းပေါ်တွင်ထိုင်ကာ အလောင်း၏ တီရှပ်ကိုဆွဲမပြီး အမြီးပေါ်ရှိရွှံ့များကိုသုတ်ဖယ်လိုက်ပါသည်။
ပိုင်ချူနျန် သိပ်မဝေးသည့်နေရာကတြိဂံပိရမစ်တဲကို လှမ်းကြည့်လိုက်ရင်း
"ဝင်ကြမလား? ဒီလူတွေကိုဘယ်လိုလုပ်မလဲ?"
လန်ပေါ၏ဖုန်းက မဟာမိတ်ရဲဌာနနှင့် ချိတ်ဆက်ထားပြီးဖြစ်သည်။ ဌာနချုပ်က မေပယ်နီတောင်တန်းခရိုင်မှ ရဲအရာရှိများထံလွှဲပြောင်းပေးပြီး ရုပ်အလောင်းနှင့် ဓာတ်လိုက်ပြီးသတိလစ်ကုန်ကြသည့်ကြေးစားသမားများကို အဝေးသို့သယ်ထုတ်သွားကြသည်။
"မင်းအိမ်ပြန်။"
လန်ပေါက ခေါင်းခါလိုက်ပြီး
"ပင်ပန်းတယ် ၊ ငါ့ဘာသာ ၊ လုပ်နိုင်တယ်။"
"ဘာပဲဖြစ်ဖြစ် ကိုယ်ကအခု အလုပ်လက်မဲ့ ဖြစ်နေတော့ ဘောနပ်စ်ရမယ့်ထဲက(၂၀၀)လောက်ခွဲပေးရင်ပဲဖြစ်တယ်။"
ပိုင်ချူနျန် ကြေးစားသမားကိုယ်ပေါ်မှ တစ်စုံတစ်ခုကိုရှာဖွေပြီးနောက် ကိုယ်ကိုကိုင်းကာလုံခြုံရေးစည်းကိုကျော်ဝင်လိုက်ပြီး တြိဂံပိရမစ်တဲတံခါးကို တွန်းဖွင့်လိုက်တော့သည်။
အထဲမှာ လုံးဝမှောင်မည်းနေပြီး ဘာကိုမှမမြင်တွေ့ရအောင်ထိ။ လန်ပေါရဲ့ တောက်ပတဲ့အမြီးကြောင့်သာ သူ့ခြေဖဝါးအောက်ရှိ ကြမ်းပြင်တစ်ခုကို လင်းနေစေသည်။ သို့တိုင်အဝင်ဝရှိ မိုးကာပစ္စည်းတွေကအရည်အသွေးသာမန်သာဖြစ်၍ မြေပြင်ပေါ်ရေတို့အိုင်ထွန်းနေ၏ ၊ လန်ပေါအမြီးရဲ့နှိုးဆော်မှုကြောင့် အပြာရောင်အလင်းရေခူငါးလေးများ ထိုရေထဲတွင်ကူးခတ်သွားလာနေကြသည်။
ပိုင်ချူနျန်ဟာ ဒီရေခူတွေ ဘယ်ကလာတယ်ဆိုတာကို မကြာသေးခင်ကမှ ရှာဖွေတွေ့ရှိခဲ့ခြင်း။ လန်ပေါရဲ့ အမြီးဟာ ရေထဲမှာပူဖောင်းတွေ ဖန်တီးနေသရွေ့တော့ ပူဖောင်းတွေက အပြာရောင်တောက်တောက်ကို ထုတ်လွှတ်တဲ့ ရေခူလေးတွေအဖြစ် အလိုအလျောက် ပြောင်းလဲသွားမှာဖြစ်ပြီး ကြည့်ရတာကလွဲလို့ တခြားအသုံးမဝင်တဲ့ အလှဆင်အမျိုးအစားသာ ဖြစ်ပုံရသည်။
CZYTASZ
Ren Yu Xian Luo (ဘာသာပြန်)
AkcjaAuthor - 麟潜 (Lin Qian). Bai Chu Nian x Lan Bo 白楚年×兰波 Original Title - 人鱼陷落 / ရန်ယွီရှန့်လော့ Eng Title - The Fallen Merman / Preference of Poseidon 🧜♂️ ♦️|Myanmar Translation| Source - gongzicp