(Unicode)
အကောင်ပလောင်အသံလေးများတောင် မကြားရပါသော တိတ်ဆိတ်နေသည့်နေရာတခု။ မယုံကြည်စွာကြည့်နေသော မျက်လုံး၆လုံးအောက် Jungwonနေရခက်စွာ ဟိုကြည့်ဒီကြည့်လုပ်နေမိသည်။
"ငါမေးတာဖြေဦးလေJungwon။ မင်းသူနဲ့သိနေတာလား"
Jungwonအနောက်တွင်ရပ်နေပါသော တစိမ်းအားကျော်ကြည့်လိုက်ပြီး Sunghoonထပ်မံမေးလိုက်မိပြန်သည်။ Jungwonလည်းအမှန်တကယ်ချွေးပြန်မိသည်၊ ဤအခြေအနေကြီးသည် အထင်လွဲလောက်စရာအခြေအနေဖြစ်နေသည်ကိုး။
"ကျွန်တော်ရှင်းပြနိုင်ပါတယ်။ အရင်ဆုံးတော့ သူကမကောင်းတဲ့သူမဟုတ်ပါဘူး။ ပြီးတော့ အခုDaeunလေးကိုကယ်ဖို့ ကူညီနိုင်တာသူတယောက်ပဲရှိတယ်"
"အဲ့ဒါဘာကိုပြောတာလဲJungwon။ Daeunကဘာတွေဖြစ်လို့ကယ်ရမှာလဲ"
နားမလည်စွာနှင့်မေးလာသောJake။ ခြေလှမ်းတို့သည်လည်း ရှေ့တရွေ့ရွေ့တိုးလာသည်။ Jungwonသည်တော့ ဖြေရခက်စွာဟိုဟိုဒီဒီလုပ်နေမိဆဲ။ ထိုအခါ Jungwonလက်အား Jakeဖမ်းဆွဲဆုတ်ကိုင်လိုက်ပါသည်။
"Jungwon၊ hyungကိုသေချာပြောဦးလေ။ Daeunကဘာဖြစ်နေလို့လဲ"
Jungwonအားစူးစိုက်ကြည့်၍ Jakeထပ်မံမေးလိုက်မိပြန်သည်။ ဘယ်လိုမှရှောင်လွှဲ၍မရမှန်း သိလိုက်လေတော့ Jungwonသက်ပြင်းတချချက်၍သာ အားယူလိုက်ပါသည်။
"အခုဒီအိမ်မှာ Daeunလေးမရှိတော့ဘူး။ Ni-Kiနဲ့Heeseung hyungက သူ့ကိုခေါ်သွားပြီ။ အဓိကကတော့ Heeseung hyung။ သူကDaeunလေးကို နတ်ဘုရားအဖြစ်ပြောင်းလဲဖို့ကြိုးစားနေတာ"
"နတ်ဘုရား...မဖြစ်နိုင်တာ။ မင်းhyungကိုလာနောက်နေတာလားJungwon"
Jakeလက်မခံနိုင်စွာပင် အသက်မပါပါပဲရီ၍ပြောလိုက်သော်ငြား Jungwonလိုက်မရီမိ။ Jakeကိုသာပြန်၍စူးစိူက်ကြည့်ပေးလိုက်မိသည်။ ထိုအခါ ရီနေရာမှရပ်သွားသောJake။ အနောက်မှSunghoonသည်လည်း လက်ခံရခက်နေသည်ထင်၊ ဘာမှပြန်တုံ့ပြန်မလာခဲ့။ Jayသည်လည်းထိုနည်းလည်းကောင်းပင်။
"Heeseung hyungနဲ့အတူ Ni-Kiပါပါသွားတယ်လို့မင်းပြောတယ်နော်"
Jakeမှအမေးရှိလာလေတော့ Jungwonလည်းခေါင်းငြိမ့်ပြလိုက်ပါသည်။ ထို့နောက် ချက်ချင်းဆိုသလိုပင် Jakeနေရာမှပျောက်သွားတော့သည်။ ထို့အခါ အားလုံးသဘောပေါက်သွားသည်ကာ သူတို့အားလုံးSunooအခန်းရှိရာ လိုက်သွားရမည်ဟု။
YOU ARE READING
Eternity(Season-2)
Mystery / Thriller(Unicode) အချစ်မှာစည်းတခုရှိတယ်တဲ့...ဘာအကြောင်းပြချက်နဲ့ပဲဖြစ်ဖြစ်အဲ့စည်းကိုမကျော်တာအကောင်းဆုံးပဲ...လူတွေအတွက်ပဲဖြစ်စေ...လူမဟုတ်တဲ့အရာတွေအတွက်ပဲဖြစ်စေ... (Zawgyi) အခ်စ္မွာစည္းတခုရွိတယ္တဲ့...ဘာအေၾကာင္းျပခ်က္နဲ႕ပဲျဖစ္ျဖစ္အဲ့စည္းကိုမေက်ာ္တာအေကာင္းဆုံးပ...
