نهاية الإستفزازية

سُهى

ميار
...................

اسمي اكيد عرفتو عمري ١٩

عائلتي كلش صغيره اني وعندي اخت اكبر مني مزوجه بالاردن اسمها سمر احنه هم عشنة بالاردن بس الي صار انو ابويه سوه حادث بدون ميدري ودعم ولد فمكدرنه نبقى هناك واساسا هو اني مداعمم بس يبقى الغريب عن وطنه غريب

حاولنه نساوي الموضوع بالفلوس او اي شي بس اهل الولد مقابلين ويردون يسوها دم بدم او سجن الابويه ابويه كلش خاف عليه فرجعني للعراق اني وامي البيت جدي منا لمن تفض السالفه لان يخاف لا يكتلوني اني حتى ياخذون بثارهم

رجعنه البغداد واني اساسا بكل هذا ممقتنع هو الله اذا كاتبلي اموت اموت بس مو مال اعوف ابويه الوحده وهم تعودت على حياتي هناك بالاردن اصدقائي اهلي كلشي وما اعرف لحد شوكت حتبقى هالسالفه

وصلنه اني وامي البيت جدو والله اني حتى شكلهم ما اتذكره بس مرات من نتخابر فديو اني وبيبي وخوالي بس يعني مو مركز هوايه بملامحهم والحمد الله فعلا اطيب ناس الخوال

استقبلونه افضل استقبال حتى بلشت اتذكر مواقف وحتى البنات تذكرتهم اكيد حتكولون ميار يحب ممه لان اول لقاء النه ما شاء الله ست مايا خلته كلللش حامي مناقصنه بس نضارب

بس لا عيوني اني اساسا من جنت صغير عجابي جان السهى بحيث كلها جانت تكول ميار ياخذ سهى عموما

هي مو مسئله شي بس اسلوب مايا مستفز الى ابعد حد داتنسى انو احنه كبرنه يمكن هي ببالها احنه ذولي الصغار الي اموتج كتل وتموتيني كتل

عموما شايل هم اني هسه شلون راح اتحمل هالزعطوطه بالايام التجي السانها اطول من حياتي خطية اجتي سهى لازمه خاولي بيدها

سهى / عبالي مجابتلك

ضحكت بوجهه وكلت / لا جابتلي بس شون شمره شمرته بوجهي تكول عبالك ماكل غداها

ردت سهى وهي تضحك / تره والله بعدهي زعطوطه لا تاخذ بخاطرك منها

ضحكت وكتلها / لا يمعوده قابل ما اعرفها عادي روحي رياضيه هسه كم يوم وتتعود عليه هي عبالها احنه نفسنه الصغار الي جنه اربعه وعشرين ساعه نتعارك ونتكاصب

ردت سهى / راح تبقى هنا

رديت ومابيدي حيله / ايي والله شسوي لعد منا لمن تفض هالسالفه ابويه ميقبل ارجع

سهى / الله يعينكم على ما بلاكم عموما لا تضوج تره صح هسه تحسها خنكه وضوجه بس بعد شويه من يجي وسام من الشغل وهم تطلعون وتغيرون جو انوب تضل مجلب بالعراق نطرد بيك ومتروح