مقبل نروح بالسيارة كال اريد اتمشى جنه نمشي اني وياه هو ساكت ما حجه شي واني هم تفهمت هالشي وسكتت الى ان سمعت صوته الهادي
ميار : وسام تتوقع اذا دكيت الباب مال بيتنه تفتح الباب امي
احتاريت شنو اجاوبه واني ادري هو ميكدر يتخطئ الموضوع لان مو بسه له ينسي سكتت لان ماعندي جواب وهم ما اريد اعلقه بامل وهمي وصلنه الباب بيتهم بقى واكف صافن على الباب اني جنت حالي حال البوديكارد ماكو فرق بينه شامرها سايلانت وخايف عليه ليصيرله شي ما اعرف بشنو يفكر بس الي اعرفه انو الموضع ابد مو تمام اني بادرت وفتحت الباب دخل هو للبيت على كيفه وكل شويه يوكف يصفن ويباوع على زاويه
وصلنه الباب المطبخ
وسام : المفتاح عندك
مد ايده بجيبه طلعه انطاني ياه فتحته اول منفتح الباب بقى شويه وانوب دخل حسيت اكو دموع بعيونه ميريد يبين جانب الضعف بقى يفتر بالبيت الى ان وصل الباب غرفه عمتي باوعلي
ميار : وسام اريد ابقى شويه هنا وحدي اصعد الغرفتي افتح الخانه مال كنتور مالتي تلكه قاصه رمزها ..... افتحها وطلع فلوس طلع ٥ ملايين واخذهن الخوالي واني فد ساعتين الحكك
اني بقيت صافن شنو فلوس شنو وديهن الخوالي
وسام : ميار روح ارتاح اني ما اطلع منا كاعد هنا شوكت متحس نفسك تريد ترجع البيتنه نروح سويه
ميار : خوش لعد بس اصعد طلع فلوس وحسبهن كد ٥
وسام : اوك
اني صعدت الدرج وهو فتح باب غرفه عمتي وكفت على اول بايات اباوعله بقى شويه صافن يباوع على الغرفه مدخل وراها من شفته دخل سد الباب وره اني رحت صعدت الغرفته فتحتها ورحت للقاصه من دخلت الرمز حسيت هالرمز مألوف مو غريب عليه واساسا هو مو رمز مواليد شخص بس منو ما ادري مو مواليده الميار
مجنت بحاله تسمحلي افكر او اي شي طلعت فلوس وكعدت احسب سمعت صوت بجي بصياح كمت اركض اريد انزل اشوفه وفجاه وكفت شي داخلي وكفني كلت الروحي شكو رايح يعني شمتوقع طبعا داخل الغرفه امه شلون ما ينهار ويصيح ويبجي وكلشي يسوي سمعت صوت يبجي بصياح وخنكه
ميار : ولج يمةةةةةةةةة وينج البيت ما ينراد بدونج عبالي تتلكيني فضى بيتج يرانيا ليش هيج تعاقبيني
بقى يردد ولج يمةةةةةة جانت هالكلمه تكسر هواي حواجز من كبرياء وغرور وكلشي بحيث لكيت نفسي دموعي توكع بدون ما ادري وكلما اتذكر احمد الله واشكرع على وجود امي وبنفس الوقت اترحم العمتي واتمنى الصبر الميار وسمر استمر صوته فوك الساعه
اني كملت الفلوس لفيتهن بعلاكه ونزلت كعدت بالهول منتظره بعدين سمعت صوت هدوء جنت اصبر بروحي خايف يسوي شي بروحه اكيد الكل راح يكول سوالف مراهقين هو ولد شنو يسوي بروحه المفروض نخاف على اخته مو هو اني ابد ما الومهم امهم حنينة وهم ربو بدلالها وعائلتهم مجانت مثل هواي عائلات عراقيه لا مباليه وماكو اهتمام المهم عدهم بس خلفو واجاهم ولد لو بنيه
أنت تقرأ
نهاية الإستفزازية
العاطفية#قصص_باللهجة_العراقية ادرك ان حياتي فوضوية فالعيش بشخصيتين يجعلني لا اعرف من اكون تاراً اكون طفلةً تنخدع من الكل وتاراً اكون لبوة تحاول تمزيق من حولها حتى من يمد لها يد العون انا ادرك حقاً انه لا احد يبقى بقربي ليس بسببي بل جميعها اخطاء اخترتهم...
