نهاية الإستفزازية

صخونة

سمر : يكلي اني مرة ما عليه شي وانت مدامك بالعراق ما عليك شي ميوصلولك

احس صدمة صدمه عقلي مجاي يفرزن كلامها
ميار : سمر لعد ليش ما اجه للعراق اذا ميوصلولي دزيلي رقمه دزيليااااااه بسرعه

على صوت صيحتي صعدت امي تركض
رانيا : ها يمه شكو لكو
ميار : اكفي يمه اكفي بس خلي افتهم بنتج مدري شتحجي

ميار :يلا دزيلي الرقم بسرعه
سمر : لك دكيت عليه كومه ما جاوبني والله
ميار : يعني شنو سمر

امي اخذت التلفون مني وحجت ويه اختي كعدت على الجربايه واني منزل راسي بين اديه احاول استوعب اني مشكلتي مو الموت والله بس تخلى عنه هو مو بس سلمني الحلك الموت هو كسر اختي وامي اريد استوعب واني اسمع اختي تشرح الامي معقوله ابويه هيج

شفت امي تخربطت وكعت من طولها اخذت المي واذب عليها صعدو فوك على صوتي وامي مدده بطولها على الكاع صحصحت شويه نزلتها كوه اني وخالي علي واخذناها للمستشفى لكو ضغطها هابط مجانت تحجي اي شي بس الدموع توكع وحدها وهي تباوعلي حضنتها احس هي كل الي بقتلي

خايف خايف الاول مره بحياتي اخاف من شفتها تخربطت حسيت بخوف وكانو ضيعت روحي رجعنه للبيت وخليت امي بغرفه بيبي تنام وترتاح كالت كل الاختك لا تكول الرجلها خاف توصل للناس ويحولون عليك بدال ابوك

اني طمنتها نامت هي البيت كله مجان مفتهم شي حتى خالي علي كلهم عبالهم ابويه صارله شي هيج فسرو رده فعلنه كعدت سولفت كلشي الخوالي هم هم نصدمو ما توقعو هيج يسوي

ما فكر بعائلته جانت ملامحهم تحجي اكثر من السانهم جنت افتهم كل رده فعلهم شويه ورحت الغرفه امي بعدهي نايمه رحت صعدت فوك اشوف تلفوني لان من وكعت امي بعد ما دريت شي عنه

خابرت على سمر وضعها مو احسن من امي وهم الي فهمته انو ابويه تخلى عنه ونهزم خاف على روحه جان سؤالي كل يوم ليش مو اني رخصت دمي علموده ليش هو اصلا حتى ما حاول وخاف وشرد نقهرت بس مو على نفسي على اختي الي تبجي وهي تواسيني وتكلي لا تجي لهنا بعد دير بالك تجي وتتوسل

ميار : شنو اليضمن ميسولج شي اذا ابوج جبان اني مو مثله اضل اشرد من مكان المكان
سمر : ميسولي والله لا تخاف اني اصلا قررت اطلك من اياد اياد من كتله لحد الان وهو كل شويه معايرني وعبالك اني السبب احس وصلت وياي حدها والقران اذا بقيت وياه اكثر اكتل روحي اني هم اخلصكم واخلص روحي وخلي يرتاح سمير واياد بس اكعد بمكانك الله يخليك خسرت اب مريد اخسر اخ هم ابوس ايدك بطل عناد

ميار : سمر مخنوك وداعه خوتنه الدنيا ابد ما احسها توسعني اعرف الي صار قدر ومكتوب بس سالفه متخش دماغي احاول اواسي نفسي واكول يمكن هسه فتره ويسحبنه ابويه ونرجع مثل قبل