[سهى ]
(الانانية ) ما جنت اتصور فد يوم راح اكون هيج حبيته الميار وردت اتملكه باي وسيله بغض النظر عن كلشي بدايه زواجي مجنت احس نفسي ابد عروس وماخذه الي تحبه صح جنت اقنع نفسي بهالشي واصبرها على كد ما احاول اتملكه بس هو ابد معتبرني اكثر من بنت خال
جنت متصورة يحبني من اول يوم دخل بيتنه ومن وكفت دانطي الخاولي ضحكته وياي جانت غير سحرني بطريقة اجرامية يمكن لهالسبب حاولت اتملكه او يمكن عقلي جان صغيرر وعبالك فد لعبه اريدهااا بغض النضر عن شعوره من عشت ويه ميار هواي امور بلشت توضح الي جان دوري وكانو طلعت من بيت اهلي عشت بيت عمتي والروتين سيد الموقف شكد حاولت ويه ميار بس ميار ابد نهائي مجان عقله وياي
جنت اتصور انو حب وحدة من الجامعة ومرات توصل وياي حتى بيتهم القديم اكول خاف مناك شكد حاولت استدرج سمر بس مفاد مراح اجذب واكول جنت اغار من جنت احاول اتقرب واشوف فكره كله يم ثانية جان هالشي احسه حاجز بحيث اخاف وابتعد يمكن ضعف شخصية ابد محاولت اهدم هالحاجز وهذا جان سبب انو مريد اواجهه واكوله لان مريد يحجيلي عنها اتذكر مرة من المرات من كعدت الصبح وخاله راسي على ايده فوك المخدة وايده اباوع على ايده الي بيها الحلقةة جانت حلقتي اني كلها امل تملك حب اما هو روتين تسليك يمكن بوقتها حسيت مو بس ظلمت نفسي ظلمته هو هم بس هم مجبرته هو الي اجا وخطبني
صح ما اذاني بحجاية ولا رفضلي طلب بس احتاجه احتاج كلبه وروحه مو مجرد شخص عادي وعبالك ابن عمتي لا اكثر ولا اقل رغم هذا كله مكدرت اتخلى عنه او حتى اواجهه استمرت ايامي وجنت اتحجج بطفل اكول ممكن اذا صار عندي طفل ينسى ويلتهي بي تفكيري جان غبي ومحدود كلش او يمكن مو محدود مجرد مرة حاولت تحافظ على بيتها بس بطريقة غبية او تستغبي
ميار جان شخص جدي ويه الكل وخاصة ورا ما تزوج بس اكو مواقف يرجع بيهم نفسه ذاك المراهق الي اجانا فد يوم وهالمواقف من جنا نجتمع او مرات من يشوف مايا جنت بالبداية اكول وسام السبب وجنت مرات احسد وسام كومة على كمية تعلق ميار بي بحيث عبالك عايش بشخصيتين ويانا شي ويا وسام شي ثاااني
كلش جنت اغار من وسام بس بمرور الايام اكتشفت مو بس وسام الي جان اله تاثير على ميار مايا هم بالبداية جنت اكول يمكن لان تصرفات مايا مثل تصرفات وسام او يمكن ميار يغار من مايا على وسام مثل ما اني هسة هيج اغار عليه من وسام جان بس هواي مرات من اشوف ميار ومايا سوية ما اشوف نفس الحاجز الي موجود الي مو بس حاجز ميار جان كلشي يختلف حتى مرات من احجي عنها بشي ينسى نفسه ويكعد يدافع عنها وعبالك اني بنت خاله وهي زوجته الدرجة مرات يتعارك ويايه
بالبداية جنت اكيف واكول شكد يحب اهلي لعد بس بمرور الايام الوضع صار مينجرع ومينطاع صرنه كل تجمع اكتشف شي جديد عنه يوصل مرحله انو اكل ميطيقه وميجرعه ياكله وياها رغم هذا على كد ما احبه احبه جنت اخلي الف حجه وسبب واكول لا يمكن لان صغيرة وعنيدة وهم مجنت اشوف من اختي قبول لان هي جانت كلش شرسة ويا الكل
YOU ARE READING
نهاية الإستفزازية
Romance#قصص_باللهجة_العراقية ادرك ان حياتي فوضوية فالعيش بشخصيتين يجعلني لا اعرف من اكون تاراً اكون طفلةً تنخدع من الكل وتاراً اكون لبوة تحاول تمزيق من حولها حتى من يمد لها يد العون انا ادرك حقاً انه لا احد يبقى بقربي ليس بسببي بل جميعها اخطاء اخترتهم...
