نهاية الإستفزازية

اختفاء ميار

مايا

اسلوبه كللللللللللشششش مستفززز كللش احاول انو اتفهم بس ما اكدر من حظني عقلي صَفر يعني حاولت انو ابين ممهتمه بس ما اكدر انكر اشياء احسها داخلي وافهمها شنو هي بس مريد اتواجه وياها لان اعرف هو ميتقبلني

فدفعته لان احس هالشي افضل الي بهوايه اني مريد اتعلق بشي وهمي واعرف اني مو على كد مزاجه واعرف ديعاملني كانو اخته الصغيره بس اذا هو عنده هالشي عادي ما اعتقد هالشي عندي عادي مريد ابقى بمكان بي هو اخاف من هاي الاحاسيس الي احسها مداعرفها اجه عمو وطلعت اني من الغرفه حسيته انقاذ واجهه بوقته

مريد اشوفه لان اساسا مداعرف عقلي شيدفكر وهم ما افهمه هو من جهه يعاملني بحنيه تكول عبالك ماكو منه بالدنيا ومن جهه عبالك الذ عدوه اني وهيج يتلذذ يطلعني عن طوري مردت ادخل جوه خاف يكربون عليه فبقيت بالحديقه كومه

سمعت صوت بزونه بقيت اتقرب شفت بزونه نهزمت وعافت ابنها صغيرررووووني اني اجيت شكله ياروحي فد كيوت وصغيروني شفت وسام واكف باب الممر مال الهول صحت

مايا/ وسام تعال عليك الله
هو اجه كعد
وسام/ منين جبتيها ولج
مايا/ لك جانت هي وامها امها نهزمت وعافتها
وسام كام يمسح عليها

وسام/ خطيه بعدها صغيره خاف انتي هديتي على امها
مايا/ لا والنبي هي شافتني ونهزمت

وسام / ترديها
مايا/ اييي
وسام/ ناخذها نربيها شنو رئيج
مايا/ ايي والله علواه

بقينه نلاعبها ونسولف اني وسام واني كعدتها بحضني وسام يمسح عليها اجاني الحقنه شكد احاول انهزم بس ميرهم ابد جان ديباوع الوسام صفح ورزلنه واخذها من حضني وطلعها بره شكد حقير هو شعليه امها متريدها شعلي يدخل ويوديها الامها غصب خوما غصب

مايا / الوسام عليك الله جيبها منه
راح وسام وراه وره شويه رجع
وسام / اخذتها امها

فد حقدت عليه حقد مو طبيعي اناني لئيم حقير عفتهم ودخلت جوه حضرنه الغده واجه عمو كال انو ميار كايله ما اريد اني

كلت بكلبي تاكل سم ان شاء الله وجعلك لا اكلت وكعدت عمتي تسوي سيمفونيه ليش هو الصبح ما اكل هم والبارحه سهران والا شويه تكعد ادك وتلطم وتبجي كام وسام راح ديصيحه وره شويه رجع فارغ وكال انو ميريد هو من يكعد ياكل كلت داخلي شو هذا يتنعوص هوايه وعبالك بنيه هو الاكل بي واحد ميريد شكد غبي

بيبي كالت ضمله غدة خاف يكعد ياكل كملنه اكل بيبي وعمو راحو للاستقبال يمددون بقينه احنه بعدين راح وسام هو وره شويه رجع صاح ميااااار جان صوته عالي فكلنه نتبهنه