نهاية الإستفزازية

بسبوسة

رجعت تمددت وانتظر وسام يجي دافتهم منه صدك يحب هالمخبله

بقيت اكلب بالتلفون الى ان سمعت صوته يلعلع يجيب التايه بالطابق الجوه
واعتقد بالمطبخ وهو يكول شنو المفستق نايم

نزلت بسرعه ضربته على راسه واكله انت ما تجوز من هالاسم الجايف

هو سوه نفسه خايف واشر على مايا كال والعباس ابو فاضل مو اني هايه العلمتنياه

امي كالتله شنو هالاسم باوعت على مايا مايه اكل البزون السانها سكتت

فاني حتى احرجها كتله يمه هاي عود اني مدلل ومايع فبنت اخوج المصونه تسميني المفستق

بقت امي تضحك وهي تكولها ولا تجوزين من سوالفج خلي اكلج فد موقف كلها كامت تسمع
الامي ومتحمسين الهالموقف

امي حجت كالت( فد يوم اجاني ميار عصبي وهو يكلي هايه هايه ويحجي بعصبيه كتله منيه كاللها هايه هايه بنت اخوج ضربتني وردت اكتلها وجات تباوعلي وكلت خطية خاف اكتلها وتضل تبجي وشردت هي عبالها اني خايف منها متدري الزمها اشلع شعرها كله )

اني اسكت بامي ما يفيد لا وبعد تمثل وتمثل ردات فعلي وعصبيتي

وذيج الفطيره تمددت بالكاع من الضحك انوب كلها كامت تضحك المشكله حتى اني ضحكت

بس مضحكت على الموقف ضحكت على رده فعلها وهي مدده بالكاع تضحك من كل كلبها

وتكول عمة والنبي جان الخبيث يشتري وينطي السهى ومينطيني ويلعبون بيت بيوت واني
ميلعبوني وياهم

رجعت تضحك وهي تحجي تكللها عمه لا تزعلين مني بس والنبي ابنج مفستق وخبيث هم

باوعتلها بطرف عين واني اكلها لازم ماخذ ورثج منج شو انتي السانج متبري منج بالله مفستق سكتنه عليها خبيث شنو

هاي مره خالي بقت تسكد بيها وسهى كلتلي تتذكر من مره جبت سيارتك تشوفنياها وضميتها جوه البطانيه حتى ما تشوفها مايا لان خفت لا تكولك اريدها

اني ضحكت من تذكرت هالموقف وكلت بدون شعور مو هي المشكله جانت شنو الي تشوفه عندي تريده واني الغبي انقهر عليها وانطهياه فضميتها حتى ما تشوفها

وسام ضحك وكال خوش ضمه ضميتها تالي راحت شمرتلكياها بالغربيه

كتله منوراك انت ردت تواري بيها الها مو تدري بيها هي ام دوده وكلشي تشوفه تريده

امي تكلي ماما عيب كلامك

ضحكت وكتلها قابل جذب والله لو تدرين بنت اخوج البارحه شلون سوتلي بصمه جان ما كلتي عيب