اهوووو راح تجي الحيه سمر متنجرع ومتنبلع ابد بالكي اغير رئي عنها مثل متغيرت نضرتي على ميار هو ابد مباوع عليه اني تذكرت قبل ساعه من خله ايدي جوه راسه وباسها كلت معقوله مديذكر شي
اعتقد ايي لان حسب معرفني بي لو يتذكر جان كعد يسئل اني هم عفتهم وكمت اروح انام منايمه من البارحه واحس مطفيه كلش ومالي خلك ابد نمت وكعدت ب١١ بالليل طلعت شفت الاستقبال مفتوحه وميار وسام كاعدين ديباوعون فلم رحت كبل للمطبخ بحوشت شنو بالثلاجه وسويتلي صينيه واخذتها ورحت للاستقبال كعدت يمهم
وسام : وج الخبله اليوم العشيرة كلها تحجي ب١٠٠ مالتج اعترفي يم يا سحارة مسويتلج هالعمل
مايا : ههههههه مو سحاره سحار
وسام : سحار سحاره اي شي بداعه ابيج تلاحكيني اني قررت انسحب
اشرت بعيوني الميار : هيانه السحار كاعد يمك
هو اساسا مباوع عليه ابد مسوي نفسه مندمج ويه الفلم ومو ويانه ضربه وسام على رجله وكله والله عمي طلعت بيك بله جاا ما تقريني اذا هيج
هو باوع الوسام
ميار : لو تبوس ايدي هم ما اقري سقط حقك اول واحد عرضت عليه مهاراتي وما قبل انت هاك استلم خلي الخصوصي يفيدك
وسام : الله لا يعوزني عليك هسه تشوف شون بعد كم يوم اجيبلك ال١٠٠ مفستقه وملوزه مثلك
ميار : اكول لا ادوخني ٥٠ اذا جبت اعزمك على حسابي يلا هسه اروح انام جنت متحمل واحد صارو ثنين انسحب احسلي
كام وعافنه اوي هسه شبي شكد نفسيه اني هم كعدت اباوع واكل كملت اكل رحت طلعت كتبي وكعدت احضر دروسي مكدرت انام ل٣ ونص يلا قررت انام ساعتين نمت وبالكوه كعدتني سهى الصبح حتى وسام رايح وعايفني
مضطره اروح ويه رنا وسهى رحت وياهم وهم كمل يوم دراسي طويل ورجعنه بدلنه وكعدنه نحضر الغده الي عرفته عن احداث البارحه من جنت نايمه انو ميار مخلي اصدقاءة يعرضون بيتهم الي هناك للبيع وبايع سيارته ومخلي اخته الوكيل لان هناك هي ومحولتله الفلوس وهم سمعت انو طالب من اصدقاء اله يجيبون يمشون باوراق نقله حتى يرجع يكمل بجامعاتنا هنا
واوو يعني حيرجع يداوم بالعراق انلاصت عيليج يمايا جنتي شايله هم سهى ورنا هسه حتصير جامعه بكبرها
حسيت احداث فايتتني كومه من نمت فقررت انام واوقت المنبه اليوم واكعد العصر حتى ميفوتني شي احس هالميار ضام كومه مفاجئات كعدنه على الغدة وهم كلنه متجمعين بستثناء وسام ابو الخصوصي وهم اليوم ميار رافع خشمه عليه ومحجه وياي ولا اصلا حتى باوع عليه هاي شبي خلص اكل ترخص وصعد الغرفته يخابر وهو يصعد الدرج سهى صاحت عليه هو وكف اجتي سهى انطته كلاص بي عصير...
سهى : اخذ هذا اشربه ادري بيك تحب الموز
ميار : ايي والله اجه بوكته انوب بارد الف رحمه على اهلج
اخذ الكلاص منها
سهى : الف عافية
ميار : سهى اذا خلصتي دراسه وفرغني اتصلي بسمر احجي وياها شويه تدري بيها شكد تعزج وهم هالفتره اختي اوضاعها متخربطه واعتقد تحتاج احد وخاصه اذا بنيه تفهمها اكثر
YOU ARE READING
نهاية الإستفزازية
Romance#قصص_باللهجة_العراقية ادرك ان حياتي فوضوية فالعيش بشخصيتين يجعلني لا اعرف من اكون تاراً اكون طفلةً تنخدع من الكل وتاراً اكون لبوة تحاول تمزيق من حولها حتى من يمد لها يد العون انا ادرك حقاً انه لا احد يبقى بقربي ليس بسببي بل جميعها اخطاء اخترتهم...
