نهاية الإستفزازية

مأساة ايران

[ميار ]

مر يومين حسيت امي بهاليومين مكيفه وجنت كاعد احجي ويه مايا رسائل اجتي امي كعدت يمي اني سديت التلفون ما اريدها تعرف
رانيا : اكلك يمة انت ما تكدر تاخذ اجازه سبوعين من الشغل

ميار : ليش يمه
رانيا : انت الحمد الله وضعك احسن من قبل واني اريد اروح ازور الرضا امي رايحه تروح واني اريد اروحن وياها وكلبي لاعبني منك هالريدنك تجي ويايه
ميار : قصدج الايران
رانيا : ايي

اني من شفت امي فرحانه وهم اني صراحه حسيت عجبتني الفكرة من باب التغير جو
ميار : بيها الخير يمه اروح ليش لا اصلا اكيف مدام وياج وخلي سمر تروح ويانه فد مره بالكي الزكها بشباك الرضا يصحيها

رانيا : احنه نروح حملة اتفقت اني وامي والحمله بسياره لان وحده من كرايبنه تصير بنت خاله امي هي الي رايحه تروح وبالعرس كايله الامي واني من شفتها خليت روحي حاجيت اختك تكول ما اروح لان مالي خلك طريق سفر طويل تكول لو طيارة جان راحت
ميار : لعد شنو تبقى وحده هنا

رانيا : لا ليش وحدها تروح يم بيت جدها تضل ويه بنات خوالها هن جم يوم ونرجع

عجبتني الفكرة كلش
ميار : هاهيه يمة ميخالف نروح وهم بالكي الله يهديج عليه

رانيا : يمة والله اني راضيه عليك بس هم الشغيله الي بالك ما اريدك تخليها على بالك لان ما تصير

ميار : هاهيه يمه نروح والله كريم شوكت اطلعون
رانيا : هذا الاحد يرحون ان شاء الله
ميار : خير ان شاء الله جهزي امورج لعد
رانيا : خوش لعد كوم تمشه وياي البيت جدك وصلني حتى اكل الامي

كيفت من كالت بيت جدي
رانيا : وصلني البابهم وارجع لا تفوت
زعلت وسويت نفسي زعلان من كالت هيج وهي ضلت تضحك عليه وكامت تلبس حتى اوديها وفعلا وصلتها يم الباب وطردتني ما خلتني افوت وطلع وسام ورايه ورجعنا اني وياه البيتنه

من اجه الاحد طلعنه من الصبح اخذت بيبيتي وامي وبنت خاله امي مريه كلش جبيره اصغر من بيبيتي بشكم سنه وطلعنه رحنه وهم جانت رحله طويله بالقران سمر تفتهم ما اجتي هسه لو طياره مو احسن

الطريق كله انام واكعد وهن يكركرن يم راسي لا يشبعن ولا يملن انوب المصيبه حمله حتلو يسكت الوراي الكدامي يحجي وضال اني وهالكم واحد متعذبين حجيت ويه مايا واغلب كلامنه جان مراسله وحتى سمر وخوالي وسام العشيرة كلها من الملل الطريق الى ان وصلنه ايران

اول شي سويناه رحنه نمنه من التعب وره مكعدنه رحنه زرنا وره الزياره بما انو هي حمله فرادو يشوفونه الاماكن السياحيه بيبي ضلت بالامام رجلها ما يحملنها للفره وضلت وياها هالمريه الي هي بنت اختها طبعا هاي مو اول مره تجي هي فخبره وعلم تندل كلشي فهي كالت نخلص زياره ونرجع على كيفنه للفندق