نهاية الإستفزازية

بزونة

مايا

صح اني ما احب احد يكعدني بس من الموضوع بي طلعه لو شي اتخبل عليها
رنا وهي تكلي راح نروح ونعوفج فزيت بسرعه سبحت وطلعت سمعتهم مخبوصين لان ابن عمتي المصون مايكعد

اوي طبه مرض خلو يبقى هناا هو شابع من الدياحات تريكت ورحت الغرفتي ساعه ابحوش بالملابس وملكيت صايتي اجتي سهى انطتني صايتها وجابتلي شال شفتها تعتني بنفسها تركتها تره والله اختي حلوه متحتاج اصلا عفتها وطلعت امي كالت جيبي علي وبدليله

اني اخواني صغار علي عمره ٥ سنوات ومصطفى ٧ سنوات واحمد ٨ سنوات فرحت ادور على علي باوعت من شباك المطبخ شفته بالطرمة ويه ميار

كاعد ميار على الكرسي وعلي واكف وميار محاوطه بديه يبوس بي ويكله ايي وراها وين نروح وعلي يكله نروح نشتلي حلاوه هم وميار ماخذه على كد عقله ويحجي وياه ويعضعض بخده ويكله هو انت حلاوه شعدنه جايبين حلاوه اخويه يضحك ويكله لاااااا

بقيت صافنه والله الاخ مزاجه وردي يكعد بعد شكو سوتها علينه عمتي سوده ومصخمه طلعت للطرمة ورحت الهم وكفت جني غراب البين على راسهم كتله عادي تنطيني علاوي

هو مرفع راسه بس رفع عيونه وكال صباح الخير عود اني ابتسمت وكلت يا نسيت والله كال شسوين بي كتله ابدله كال اوك وخر اديه

بالكي ترتاح بيبي تذكرت اني مجبت الماسحة صحتى على احمد يشوفلي الماسحة بالحمام راح هو يدورها وره شويه شفت احد طب للاستقبال كتله ها لكيتها كال اي ..

هذا مو صوت احمد ندرت وشفته ميار كتله عبالي احمد كال هو انطانياها وكلي وديها انت لان بس تشوفني هسه تكلي تعال انت امسح كتله طاحظ هيج اخوه انطيني انطيني

هو باوعلي نظرة واحد روحه طالعه وماله خلك احد كال شوفي لو تسكتين لو توخرين من يمي ضوجني كلامه وكتله انت هي هو منو جاي يمك تره انت الي المفروض توخر منيمي مو اني

لزمني من زندي بكل قوه وهو يكلي كم مره كتلج الساااااانج انتي متصيرلج جارة

فاني ردت اوخر ايدي ماكو لازمني بكل قوته وانوب مو بس هيج مخنزر عليه ويحجي بعصبيه هو اني عاده ما ابجي على اشياء تافهه بس مدري ليش الموقف حز بنفسي يعني اني كلشي ممسويتله ليش يحجي هيج واني ممسويتله شي وانوب لازم زندي كلش قوي احس ايدي راح تنخلع بقيت ساكته

لان مدري خاف احجي ويعصب اكثر وبس اباوعله اريده بس يوخر ايده احس اكو شي نزل على خدي اني نفسي مصدومه وشكو دابجي قابل هاي اول مره احد يرزلني هو هم من شاف هاي الدموع رخه ايده وبقى مصدوم يباوع