نهاية الإستفزازية

حياة مثالية

مايا
........
كعدت من النوم اباوع داير مدايري محد موجود بالغرفه بطني موتتني من الجوع

اخذت الفون داباوع بيش الساعه والكيها ب١١ عزةة كل هالوقت نوم يلا عادي اكيد هسه ولت الاميره رانيا وابنها السلبوح

فطلعت للمطبخ هو صح اني من اكعد مزاجي فد مره بس تره مو بشعه ولا سعلوه بس هو هذا المفستق يغار مني فسواني سعلوه

نصدمت انو بعدهم موجودين كلت ذولي اكيد اليوم يباتون هنا عييع شقاه شكد زفر والله اني احلى منه بالف مره اللوكي ماكو غيرك الوحش

كلش ضجت انوب فوك كل هذا اني ميته جوع ومطلعت بس ٤ كبايات اكليهم واجه يريد يبوك وحده خوش لكطته بعضه معدله حتى بعد ميندك بيه

يعني والله مردت اعضه بس نجبرت هو نظرته وعيونه من باوعلي كانو ديتحداني مردت اعضه حيل بس معاف الكبايه الا هيج طلع من المطبخ

واني كعدت على الطاوله اكل وره شويه واني اكل اجه يريد ثلج عبالي ديري مي فكمت انطيته بس خطيه طلع يريد ثلج حتى يوخر عضتي شكد مفستق وبزر نستله عضه متحملها

خليت الخاولي على جتفه بس هو يغلط ويتجاوز والنبي لو باقي يزن اكثر جان هالمره اكلته بدال الكبه بس همزين ولى من المطبخ

واني كعدت اكل بكل صفاء ونقاء خلصت اكل رحت شفت سهى بغرفه رنا اليوم هو صح هم دائما يستزغرني وميحجولي شي عود هن كبار اسم الله عليكم

فاني هم ما احب ادخل بيهن بس سئلتهم على عمتي شنو ناوين يبقون كم يوم فرنا كالت انو ابوه داعم واحد والناس يا يكتلون ميار يا ابوه ينسجن ميردون يساوها بالعشائر فابو دزه هنا منا لمن تخلص هالسالفه

باوعت صفح وكلت يعني شنو حيبقون يمنه باجر هم عيييع شلون سالفه فاكسه هاي

فسهى تحجي وياي من وره خشمها وتكول مايا تره الناس ممسوين شي وانتي كبرتي مو صغيره والولد ضيف عدنه فاعقلي حبابه خلي انطباع حلو.

شوفو شكد ما اكوللكم حياتي مثاليه فاي حياتي مثاليه بس من يكون عند الشخص اخت بيرفكت والكل يكول عنها هي ماكو مثلها

يبقى شعور داخلي انو هي الملاك واني الشيطان بنظر الكل

هم مديحاولون يشوفون من وجهه النظر وانما يحكمون عليه من التصرفات اني ما اكدر ادعي شي اني اتصرف مثل ميعجبني

وما من حق اي احد يبلي عليه امره حتلو جان ابويه الي الكل يهابه ويخاف منه

مايا : سهى لتدخلين من ادخل بيج الج حق تدخلين بيه

رنا : مايا عيب يجوز مستقبلا هالولد يصير نسيبنه