نهاية الإستفزازية

لفة

مايا : هااا
ميار : كملي قرايتج تره هذا بيت عمتج بغض النظر عن كرهج للجني الكدامج بس يظل هذا بيت عمتج فليش تنهزمين تصرفي وكانو اني ماكو اساسا اني اجيت ناسي شغله بالبيت وراح اخذها وارجع اذا مطايقة هالبيت بسبب وجودي

مايا : لا كملت قرايةة هو يوميه هيج وقت اروح
وراحت بسرعه الغرفه امي لمت غراضها وكتبها واجتي ويمكن جانت نيتها تطلع وكفت اني

ميار : شبيج بابا كبري عقلج داكلج اخذ شغله واروح
حسيت رجعت ذيج الشرسه المغروره الي اساسا متشوفني كدامها او تتصرف كانو متشوفني
مايا : وشعلية بيك

ميار : اكعدي كملي دراسه طالع اني
مايا : سهى تدري بيك
ميار : لا مكلت لاحد جانت عندي شغله واجيت حليتها وهسه جاي اخذ كم غرض من البيت وراجع لهالسبب مكتلهن خاف يجن واساسا معبالي احد بالبيت من شفت البيت مفتوح كلت اكيد موجودات

مايا : اها تمام يعني راح تروح
ميار : ايي
مايا : تمام لعد بس استعجل
ميار : الهالدرجة مطايقة وجودي
مايا : اكثر مما تتصور
ميار : اوك

من جنت اشوف هالجانب منها جنت اكره روحي لان اركض وراها غرورها مستحيل يكدر يكدر يجتمع ويه عزة نفسي وكبريائي احس هالجانب منها يخلي هالجانب مني بحيث اذا استمرينه اكثر راح نتعارك ومراح ينتهي الموضوع على خير فقررت انو تستسلم

اصلا خلي احمد ربي حصلت هوايه اليوم اكثر حتى مما جنت احلم فماكو داعي اصير طماع اكثر ومردت ينتهي اكثر على الاقل ردت ترجعلي كبنت خال كاخت اي شي المهم اضل اشوفها

ميار : ادري عندج دراسة بس اريد اخذ من وقتج ١٠ دقايق بس
مايا : اسفة ماعندي وقت الك

ميار : مايا لا تستفزيني تره مو صعبة عليه اقفل الباب هسه واركعي راسج بين اربع حيطان تره بس اني وياج بالبيت فشوية خففي غرور لان مريد اكسره الج
مايا : سمر فوك

وبلشت تصيح بصوت عالي سمر سمر مجان اكو رد فقررت تعوفني وتروح تصعد الغرفت سمر دكت الباب ماكو الى ان فتحت الباب شافت ماكو احد رجهت نزلت بكل عصبيتها وغضبها

مايا : وخر
ميار : ها شنو ماكو احد يحميج مو
مايا : كتلككك وخر
ميار : انلصمي

مايا : انت من يا مله شتريد مني فهمني شتررريد
تقدمت الها بسرررعةةة وكفت كدامها ند بند وعيني بعينها

ميار : سلامتج بس كلش مطوختها ويايه وما احب احد يظلمني واضل ساكت وبما انو خلصتيها كله تتشردين واخيرا حصلتج

لا تخافين ما ميت عليج اصلا بنعال مكطع ما اشتريج سهى موفيتني ومكفيتني لهالسبب لازم افهمج شغلة خلي بعقلج هذا الصغيررر ابد ما غلطت بحقج فد يوم ولا قشمرتج بشي انتي الي خليتي مليون حاجز بس حتى تبعديني عنج وحتى ما انطيتي ذره مجال حتى تفتهميني تركتيني ضايع ومشتت والحد يوم العرس اني اجيت ولزمت ايدج والا شويه اتوسلج