نهاية الإستفزازية

سوء فهم

شنووو شنووو العب على منو هو منو الي قشمر منو والقران يطخ بالي اشيل حجاره من الكاع واركعها براسه بس يهدها الايدي

مايا : ميار عووووووف يدي شنو متفهم
ميار : ولج بس فهميني تره عقلي راح يطك والقران احجي احجي وراها روحي وين متردين عسمى القعر جهنم

مايا : جهنم الي تلفك وتلف امثالك
ميار : اذا وياي انتي ميخالف
مايا : توخر لو اصيح والم الكل عليك انت صدوك متستحي صدوك لو كالو الي ستحو ماتو
ابتسم هو

ميار: يلا صيحي بعد احسن هاي فرصتي حتى افلت من العرس
رجعت كرصته مره ثانيه بس هالمره حسيت والقران اصبعي انغرس حيلللل باللحم ما اريد اسوي هيج بس غير يعوف ايدي وكلت اذا مجابت نتيجة والكعبه اعضها الايده هالمره

مايا : ميار عوف ايدي تره والنبي عمي علي وسام فاتو للبيت وهسه يجون هنا فعوفها واجفه الشر
ميار : من شوكت مايا صارت جبانه وتخاف

مايا : انت شارب شي بس فهمنييي
ميار : جربتي تحبيني فد يوم
مايا : ميار الله يخليك مريد اعصب ولا اريد ااذيك عوفني يمعود عوفني شنو متفتهم عوووفنييييي عوفني

ميار : جاوبيني
مايا : عود من تجرب انت اجرب اني يلا عوف ايدي
ميار : والنتيجة شوفه عينج حبيتج بس اساسا انتي وحده مصلحجية على كد مزاجها

مايا : انت ليش متنجب مو احسن
ميار : مو كتلج السانج طولان
مايا : والله من اشوف ناس كدامي تستاهل الاحترام احترمهم واشيلهم على راسي بس من اشوف ناس انانيةة ونذلين مو بس اطول الساني وحتى اتفل عليهم وهم الممنونين

ضغط كلش قوي على ايدي الدرجة حسيت عظمي راح ينكسر وملامحها بين بيهم العصبية
ميار :العتب مو عليج على عقلي وگلبي الي ميقبلون يقتنعون
فلت ايدي
ميار : يلا روحي

يمكن اني ما اعرف شنو الي اريد قبل دقيقه جنت اكافح حتى بس يوخر ايده من فلت ايدي احس مريد يفلتها كرهت نفسي بلحظتها وتذكرت حالتي وضعي بذاك اليوم باوعت عليه بكل حقد
مايا : الله ياخذك

هو باوع عليه وتبدلت ملامح العصبيه بهدوء وهو يكول بصوت هادي
ميار: ان شاء الله

عفته ورحت لا تبجين ميستاهل خيولي لا تنزلين دموعج ميستاهل ميستاهل حقير انانيييي بقيت الطريق كله الى ان رجعت المكان التجهيز اهدي بروحي بهالطريقة ورحت كعدت يم بيبيتي حتى ما اخلي احد بعد يقشمرني

[ميار ]

وره مرجعت من امي ونمت نومة طويلة حلمت حلم جان كلش حلو بمايا كعدت بيني وبين نفسي افكر سهى خوش بنية بس ما اكدر اشوف نفسي اتقبلها شلون اكدر اخذ اختها بالله غلطت باسمها فد يوم كلت خلي الموضوع ينتهي وحتلو ما اطونياها عادي اضل هيج على الاقل