نهاية الإستفزازية

فص ملح وذاب

باوعتلها عيونها جانت وكحه بشكل بحيث تحس بيها لمعة تحدي نزلت ايدي الي جانت كدام وجهه على كيفي الركبتها اتحسس بشرتها باطراف اصابيعي تلمستها واني احاول اوخر كذلتها من يم وجها

شفتها غمضت عينها حسيت برضى على نفسي مجنت ناوي امررها بسلام هالمرة احس كل جزء مني يصرخ ويكول اريدها خاف جنت بصراع بين كلبي وعقلي هسه احس ثنينهم اتفقو ويردوها

احسها مالتي اني مو تملك بس احساس انو يوكف الوقت ونبقى هيج اني وياها بس هيج جان عقلي يريد حسيت خالي كام باوعت عليه شفته فعلا ديمشي يريد يدخل جوه راستا بدون تفكير وخرت ايدي عن ركبتها وعفتها ورحت دخلت جوه حتى ما فكرت اذا خالي كلي وين جنت او شصاير ردت بس ابعد نفسي عنها لان احس اذا بقيت اكثر ما اكدر احزر شنو يصير

شافني خالي همزين عاد شافني كبل صعدت من المطبخ للدرج سويته طفره وحده صاح عليه مرديت عليه عفته ودخلت للغرفه تمددت واني اتذكر وافكر بالي صار قبل شويه نوبه اضحك نوبه انصدم نوبه الكي نفسي اتخيل لو باقي شيصير احس راح تجلطني الى ان نمت وحتى ما ادري بروحي شون نمت كعدت ثاني يوم وعبالك جان حلم ونسيته

نزلت جوه كعدت بالهول صافن مو عبالكم افكر بيها بس من اكعد مرات يرادلي فد صفنه مطي نص ساعه حتى استوعب اني وين شنو اريد شاكل شفت مره خالي نسرين صبحت عليه وكالت انو رايده امي تكعدني اتريك وياهم وبيبي كايلتلها عوفي صاحت على بنتها رنا تسويلي اكل واجتي رنا حاجتها امها وراحت

رنا : شتريد اسويلك بالله
ميار : خاف اتعبج
رنا : دحجي يمعود اريد ارجع اكمل مسلسلي
ميار : لا خلفت الله عليج عوفي اني اكوم اسوي الروحي

رنا : كبر شبيك متتحمل شقه دكوم للمطبخ
كمت واني اتلاغه وياها
رنا : اسويلك مخلمه لحم
ميار : مريد بيها بيض ما اكله
رنا : هي ليش اسمها مخلمه اذا ماكو بيض

ميار : شو دوخري خلي اعلمج شلون روحي خلي الجاي على النار وثرميلي بصلايه
رنا : بعد اخيك الظاهر كعدتك ويه وسام اثرت على عقلك اذا اثرم واسوي لعد شتعلمني انت

بقيت اضحك عليها وهي تستهزء واطلع اللحم من الثلاجة
رنا : ايي بالله شيف ميار وبعد شنو اجيبلك
ميار : طلعي طماطه

طلعت طماطه وهم رجعت باوعت عليه ورافعتلي تك حاجب وهي تكول وبعد
ميار : خلي جاي على النار بالبدايه
راحت سوته

ميار : يلا هسه اثرمي البصل واحمسي البصل واللحم سويه ومن ينحمس اللحم كلش خلي الطماطه فوكاها
رنا : حاضر اوامر ثانيه استاذ صخمان

ميار : اللهم صلي على محمد وآله محمد بنات هالبيت كلهن اللسانهن متبري منهن بس يلا تمون عند البطون تعمى العيون بداعه غواليج خلي الطماطه تلجع كلش
بقت رنا تضحك وهي تثرم بالبصل

رنا : طالع على بابا ابويه هم مياكل البيض ويحب الطماطه لاجعه
ميار : هم امي مرات تكول
رنا : دكوم لعد روح اكملها واصيحلك
كعدت على الكرسي وطلعت تلفوني من جيبي واني اباوع للتلفوني