نهاية الإستفزازية

تحرّش

كملنه اكل وكمنه عمو كال تردون ترجعون تزورون بيبي كالت ايي والله هم ما ينشبع منهم وفعلا رجعنه واتفقنه ويه عمو ب١١ هم نلتقي بنفس مكانه حتى نرجع سوه للبيت وفعلا كملنه ورجعنه ب١١ لكينه بس عمو كال وسام وميار والجهال طلعو كدامنه

كلللللش احسني ضجتتت رجعنه للبيت لكيناه بالاستقبال فارش هو وسام واخواني هو منايم مدد وخالي رجل فوك رجل ويكتب بتلفونه وسام نفس حالته بس الفرق وسام ديكلب بتلفونه امي كالت السهى تفرش العمي وبيبي وعمتي

وفعلا راحت سهى هي ورنا فرشو عمو كال لا تضلن تكركن للصبح نامو لان ب٢ نطلع من كربلاء بيبي دخلت بغيبوبه واخواني هم اني مجايني نوم منعسانه لان نمت الظهر اخذت فراشي ورحت للاستقبال انام هناك يمهم يعني يم بيبي وخواني وعمو ووسام وميار

امي ضلت ترزل بس عمه رانيا سكتتها كلتلها عوفيها يمي تنام اني مجايني نوم وطفو الاضويه بس مبايل ميار وسام مشتعل بوجهم وهذا بعده مستمر يكتب

كعدت بقيت اباوع ماكو كتله وسام ميجيني نوم كوم نباوع فلم شي كال دنجبي هسه بس يكعدون يستلموني اني ويعتبروني المحرض كتله كوم بسكون عندي الورق مالتك بجنطتي جايبتهم شنو رئيك نلعب بيهن

هو كيف وباوع على ميار كله كوم ميار طفه تلفونه وكله اريد انام بس وسام ما خلاه كله كوم اصلا ادري بيك مراح تنام اليوم النهار كله نايم كله ما العب كله والله ما اعوفك حتلو متلعب اكعد كابلنه ضل وسام يلح عليه

اني صراحه كيفت عاد هو كام وكله ما العب بس اباوع عليكم كمنه كلنه ورحنه بالهول جانت امي وعمتي نسرين وسهى ورنا نايمات بي بس سهى ورنا منايمات بعدهم وسام كلهم كومن تلعبن ويانه هن كيفن اصلا كامن ركض

اني رحت جبت الورق واجيت سوينه دائرة جان الي يطلعله ملك هو يفوز اما الباقين الخاسرين يختار الهم الملك عقاب بلشنه لعب وكعدنه دائرة ونحجي على كيفنه حتى متكعد امي وعمتي نسرين

وسام بلش توزيع الورق علينه وانطه الميار ميار كله ما العب اني وسام كله انجب واخذ ميار كله انت متلاحظ تره جايبني كوه ومريد العب لو لا كله ديلا جيب لعد انت الحكم هو اخذ تلفونه ورجع يكتب

لعبنه احنه ومع كل الاسف وسام فاز اول مره وهم خيرنه نحتار حقيقة لو جرئة واحنه اتفقنه بينه وكلنه جرئة وسام كل الرنا انتي كومي اركصي مثل القرد والسهى كال وانتي جيبيلي مي وباوعلي وكلي امااا انتي اكفي خلي افكر جان يكول السهى جيبيلي وياج المشط ميار رفع عينه من تلفونه وباوعله وهو رافع حاجبه

سهى راحت جابت مي والمشط ورنا كلتله انجب لا تكعد امي وتستلمني فهو كلها حركي اديك مثل الدجاجه لعد هي سوت ومتنه ضحك بس سالفه المشط ما افتهمناها شنو فاخذ المشط وكال افتحي ايدج هن عشرة حارات وفضت خلصت شنو رئيج كتله بطلت ما العب