نهاية الإستفزازية

وين مايا

مايا : يوم جيبيلي السويج من ابويه الله عليج اريد ارجع للبيت
امي تقربت يمي وهمست
الام : اسكتي مايا لا تنقصين فرحتنه ما تشوفني الكل فرحان

مايا : يوم والنبي تعبانه حتى مصخنه تدرين بيه من الصبح تعبانه مو زين مني اجيت حتى ما تتحججون اغار منها
اخذت ايدها وخليتها على وجهي وفعلا جنت احس بنار تحركني امي راحت الابويه حجت وياه وجابت السويج كالت تكدرين تسوقين لو ادز واحد من اخوتج وياج

مايا : لا اكدر بس اريد ارجع والله يمه مو على شي بس الصوت عالي وراسي كلش يوجعني لا انوب اوكع عليكم ومن غير شي انتو داكيلي تنكه الاغار اذا وكعت ساعتها يصير اريد اخربها فخلي اروح احسن

امي معارضت وصتني من اوصل اخذ دوا وهم ما يطولون ويجون وراي اني رحت بهالسنه مخليت شي مسويته حتى اشغل نفسي حتى سياقة تعلمت وهالسنة واعديني اذا هم طلعت الاولى يشترولي سيارة وهم كراج الجامعه ميقبل ادخلها الا سنة ثالثه

اوووووف صعدت واني احاول اتتفس احس اكو بجية صيحة كلشي بيه كتمته هوايه وجععع وجععععععععععععع كارثي لييييش مو اني اتخطيته لييييش ليش اضرب كلبي كل قوتي اريده يسكتتتتت ليشش رجعت تذكرته عووووفه عووووفه اضرب اضرب بس ميفيدد يجي وجهي مكدرت امنعه احس داتهدم من جديد بس هالمره اقوى اقوىىى

عقلي جان ديفكرر اليوم ميار وياه سهى اليوم هي الي راح تنام بحضنه اليوم هم سوه وحدهم كلما عقلي يفكر اكثر كلبي وصياحي يزيددد اكثرر شغلت السيارة وتحركت بكل سرعتي جنت اتمنى حادث شي يصير بحيث يسكت هالرووووح ويحررها واخلص بس كلشي مصاااارلي كلشي ورجعت للبيت هدوء

بيتنه يخوفني اكثر احس نفسي وحدييي وحدي كعدت بالكاع حتى رجليه ما تشيلني بعد وماعندي طاقه دموعي وحدهم يوكعون شنو الي اسوي هدوء المكان يزيد تفكيري وخوفي احس ضعت هالمرة من صدوك مابيه حتى اصعد الغرفة جانت اقرب غرفه الي غرفه بيبي دخلت الها وشمرت روحي على الجرباية عبالك جثة اغمض عيني مريد ابجي بس عقلي وتفكيرة ما يغمض

احس اكو حجي هووواييييييي مدفون اريد اطلعه حجي افكار كلشي يخنكني مديت ايدي الجيبي بدون تفكير وطلعت تلفوني بدون ما افكر حتى رحت على رقمه الي جنت حاضرته وشلت الحضر منه وبدون ما افكر دكييت

بدون ما اعرف شريد او شكول بس حتى ارضي عقلي الي كاعد يفكر نفتح الخط سكتت اني والي فتح الخط هم ساكت اسمع بس صوت الاغاني والهوسه بالمختصر اسمع كلشي الا صوته سمعته تنفس بحسره بحيث جان هالشي كلللش واضح لمت نفسي يربي اني شسويت اجيت اريد اسده سمعته

ميار : تعباااااان
محجيت شي بس حسيت دموعي توكع بدون صوت ليش ما ادري
ميار : بيج شي
مايا : لا