نهاية الإستفزازية

غرفة عمة رانيا

وسام : عمي وحق ذااااااك الحمزةةةة ابو حزامين تبت تبت انتوليش ما تصدكون وحق كفار قريش قريش تبت لان انتو الا اطلعوني منهم يلا ترتاحون
نسرين : استغفر ربك ولك مالك دخل بابوك والله اني اخطبلك بس اشر

وسام راستا راح وخله راسه بحضن امي وهو يكلها
وسام : عليك الله اركصيله او طكي بسحر بصخام اي شي المهم اقنعي

ابويه صاح بي وامي دفعت راسه من رجلها وهي تكله كوم كوم انت مو صوجك والله طردوا وسام وصعد يدردم عليهم بضحك ويكلهم اجيت من السطح اذا عليوي ما زوجني وانتي يا نسوره من اجيت من السطح خلي عليوي يفيدج

متنه ضحك عليه
رضا : لا تخاف محد يموت اذا جيت من السطح انت توكل ومالك دخل اني كبل انقلك للكسور

وكف وسام على الدرج وهو يكول العمو
وسام : خاب رضيو انت اسكت من تزوجت لليوم صرنه ننسه انت منا وبينه خلني ساكت اقنع اخوك لا والله افضحكم

ابويه كام يغلط عليه وهو يضحك ويسوي نفزه يكمز على بايات الدرج ويكول هاا تره اجيت من الدرج لا تحركون دمي

سمر : عليك الله جيت وفضنا
وسام : انتي اسكتي اني ما اجيت اليوم مو علمودكم علمود اخوج المسيجين خاف ما يدبرها ويلكاني حجة ويجي بحجه يحضر دفنتي فراح ااجل دفنتي الباجر حتى ماكو حجه اله

اني وسمر سكتنه استحينه ابويه كام يغلط وشمر النعال على وسام هو فلت صعد منزل بعد هو صح يصنع جو بس مرات كلش يطوخها ميخلي احترام لكل احد ولا يخاف من احد ابد

راح وسام احنه هم كلمن تحجج بفد شغله وانسحبنا كلنه حتى اني وسمر سمر نامت بغرفه سهى ومندري بيبي ونسوان عمامي شوكت اجني كل الي اعرفه انو كعدت ثاني يوم ب١١ على كد تعب البارحة وكلنه كعدنه متاخرين

بس بيبي كاعده هي وسمر من الصبح وماخذين هاي السوالف مال حبشكلان صباحيه العرسان وهم ساعتين وراجعات بيبي نامت وسمر همات بقى بالي يم سهى اريد اخابرها بس اكول خاف عيب ازعجهم تنازلت وكلت عود هي اذا عدها وقت تخابر وتكعد سمر افتهم منها

امي كعدت تكرب عليه سوينه ريوك اكلنه اني وياها ومره عمو رضا جانت تحجي ويه امي شوكت رجعو ومن هالسوالف محد بينه داوم اليوم

نظفت وياهم شويه وراها كتلهم رايحة اقره باجر عندي امتحان معارضوا وصعدت الغرفتي فتحت تلفوني اشوف الوضع شفت رساله صار فتره واحد يدزلي رسائل اني ما اعرفه جد واكثر من مره احضره بس ميفيد يوميه يجيني من حساب

اني جد ما اعرفه بس هو كل رسائله يكولي انطيني فرصه واعرفيني نيتي شريفه والله ميدري بيه اني حتى الزواج وام الزواج تعقدت منوراهم عباله راح استقتل عليه من يكولي نيتي شريفه وهم محد يكدر يقشمرني بسهوله

شفت هيج ناس هوايه بقسمي بس جنت اكدر اصدهم وما اهتم فقررت اغير حساب الانستا لان مال يوميه داخلي من حساب ابد هالفكره ما احببها صح ما انكر اني فضوليه اعرف منو بس مجرد حب استطلاع وفضول لا اكثر ولا اقل