نهاية الإستفزازية

مية والله مية

رحت للمطبخ
رانيا / هاا يمه جنت منتظرتك
ميار / يمه بداعة ابيج جوعان انطيني اي شي اكله
رانيا / هسه احميلك الاكل

شفت مره خالي محمد شرت الملابس واجت طلعت الاكل ويه امي وسولي خفايف فكلت المره خالي

ميار / شنو مايا باجر عدها امتحان
مره خالي / ايي والله يا خاله وهي ضعيفه بالرياضيات من عصر لحد الان على فرد كعده

ميار / ايي شفتها هسه هسه اكل واروح اشوفها بالكي اذا عرفت شي اشرحلها
مرة خالي / والله يا خاله ياريت لان ابوها حالف الي تطلع منهن بدرس يكعدها يكول معناها متريد المدرسه
امي / شعدها امتحان

ميار / رياضيات كالت
امي / يلا سهله انت زين بالرياضيات اتذكر قريها بالتكدر عليه

كملت اكل ورجعت شفتها على نفس كعدتها وامي راحت الغرفه بيبي تنام مره خالي جابت جاي الي والمايا وهي تكللها افتحي عقلج وافتهمي زين من الولد لا تعبي بقيت اضحك على تفكير مره خالي راحت مره خالي هم نامت وبقينه اني ومدللتي

واضح من وجهه مايسه وغاسله ايدها بقاصر مو بس صابون قريت الموضوع تذكرته بلشت اشرحلها وهي ما شاء الله تفتهم كلش زين وتاخذ وتنطي بالحل والسؤال والجواب يعني تتفاعل بسرعه صارت ب٣ واحنه مستمرين نشرح

ميار : ليش ما كعدتيني من عصر جان هسه انتي مخلصته ورايحه نايمه
مايا : كلت هسه يطردني ويكلي ولي عني انتي بطرانه لان كلت الوسام والسهى والرنا هم وكلهم كالو منتذكر ولا عبالك دارسي اتعجب على المدرسه شون نجحتهم
ميار : تره حقهم اني هم ناسي وهم دراستنه تختلف عن دراستكم

مايا / شون يعني تختلف لعد شون داتسرحلياه
ميار : احنه دارسي موسع من جنه بالاعداديه حاليا بكتابكم انتو يعني داشوفه بسيط مدري بعد هو تاليتج بس لا متجاوبين وتجين تخنكيني وتصيحين منوراك رسبت

مايا / لا عفيه الله ليكولها انوب ارسب فوك كل هالضيم
شفتها بلشت اطفي كتلها كومي اغسلي وجهج وتعالي

باوعت عليه وطولت صفنتها
ميار : خير مضيعه احد بوجهي
مايا : شو بالله اضحك

باوعت بثول الها واني ما افتهم شنو تريد
ميار : شنو شبيج عقلج شخط من القرايه
مايا : لا عليك الله بالله اضحك

ميار : كومي كومي غسلي بلشت اعراض الثول عندج
هي كامت وكفت وتكول اوي شكد تتعزز عليه يلا عادي حكوم اغسل

راحت غسلت ورجعت واجتي هي صح جانت لامه شعرها بس واكعات خصلات منا ومنا على كد مناعم حتى القراصه متكدر تلزمه
ميار : لمي شعرج