نهاية الإستفزازية

ينعيمة هلهلي

سهى : تمام حبيبي
وسديت الخط اني مجان اكو اي رد فعل من مايا حتى ذرة غيرة مبينت بملامحها شبيك يميار كلبك رهيف تره نستك واضح هالشي لا تنتظر شي
ميار : مايا
مايا : اممم

ميار : احد عاجبج بجامعتج
مايا : خلي احجيلك موقف يضحك
ميار : شنو

مايا: مره من المرات اسمع احد يصيح ورايه واني داخلي اكول اهووو مايا لا تنطين مجال معليج بي خلي يولي هذا لوكي وتخيل اني حتى ما باوعت وشفته بس اسمعه يصيح يبنيه ويبنيه تخيل تالي وكف كدامي طلع رجال جبير واني صرتلك جونسينا ونهديت بي انت متستحي اني بكد بنتك صارلك ساعه جان ستحيت على شيباتك تخيللل حتى منطيت مجال للرجال يحجي

جان يكولي بويه تره ناسية جزدانج وهمزين شفتج من كمتي فردت الحك عليج وصحتلج تخيل موقفي وجهي كام ينطي الوان بحيث من الخجل معت بهدومي بقيت اعتذر منه شكد بس حسيت الرجال لو بيده يتفل عليه والله من يومها واني شكو كائن على وجهه الكره الارضيه يعجبني رجال جبير شاب مراهق طفل حتى بنات يعجبوني تخيل فانت المفروض تكولي شنو الي ميعجبج مو يعجبج

ميار : والله اذا غاب الحياء قل المستحى
مايا : لا تتفلسف براسي وتصير الرجل الغيور داكول يعجبوني بمعنى كل الناس زينه مو احبهم
ميار : هااا افتهمت

مايا : ميار كلش كلماتك داطوخها وياي واني ساكته لان محترمه كونك اكبر مني وابن عمتي ماعندك ثقة بيه عادي مجابرتك تثق بس خلي بالك الانسان الي مترتاحله لا تتقرب منه اوك

ميار : مو قصدي والله بس ادري بيج زعطوطة وتتقشمرين بسرعة
مايا : جنت هيج بس هسه لا وطبعا الفضل الك ابن عمتي طلعتلي كلب ساحله نص قسمي بدم بارد
ميار : شكلنه

مايا : كلت بدم بارد يعني ممهتمه وبعدين شنو عبالك اخاف من تهديدك لو تهديد وسام من تحجون هيج بالعكس مرات من اشوفكم تزيدون يعجبني عاند واسوي علاقات هم بس اكول ميسون اضيع عمري منوراهم

ميار : احب الوحش الي نايم داخلج الي يحب بس نفسه وبس وميكعد بس بالوكت الصح
مايا : الفضل بتربيتكم غير
ميار : تعيرينه تمدحينا مو مهم بس ابقي هيج حرة احسلج والله

مايا : مابقت بس سنتين وبعدها اسويلكم كد بااااييي كلكم
ميار : شنو راح تموتينه
مايا : لا طبعا حرامات ادخل سجن منوراكم وافني شبابي الجميل اسافر واعوفكم
ميار : اخذيني وياج عود

مايا : افكر عود اضمك بالجنطه بس لازم اكسر رجليك بالبدايه
ميار : وراسي وياج على الواهس
مايا : حاضر
من تكولي حاضر احس كوه امنع نفسي عن كلمه احبج رغم الحاضر مالتها استهزاء بس احسها حلوةةة منها جبت اكل وعصيرين نوعين بناء على طلبها وهم بعدهي كلما تحجي تكول معدتي توجعني من وره لفتك شون سالفه هاي